BAKI,VOA,Yusif Şərifzadə
Nigeriyanın şimal-şərqində yerləşən məktəbə silahlı şəxslərin hücumu nəticəsində qaçırılanlardan azı 37 nəfər hələ də əsirlikdə saxlanılır.
VOA xəbər verir ki, Borno ştatının rəsmisinin açıqlamasına görə, qaçırılanlar arasında 36 şagird və bir məktəb əməkdaşı var.
Məlumata əsasən, daha 8 nəfər təhlükəsizlik qüvvələrinin keçirdiyi əməliyyat nəticəsində xilas edilib.
Hücum bazar ertəsi Borno ştatının Lassa yaşayış məntəqəsində yerləşən Dövlət Gündüz Orta Məktəbində imtahan verən şagirdlərə qarşı həyata keçirilib.
Qeyd olunur ki, Borno ştatı uzun illərdir silahlı qrupların hücumları və zorakılıq hadisələri ilə üzləşən bölgələrdən biridir.
Hadisə ilə bağlı axtarış-xilasetmə əməliyyatları davam etdirilir.
