İran qonşularını təhdid edərsə, Prezident Trampın cavab vermək üçün müxtəlif variantları var - Vens

ABŞ-nin vitse-prezidenti Cey Di Vens İranın regionda sabitliyi poza biləcək addımlar atacağı təqdirdə Prezident Donald Trampın müxtəlif cavab variantlarına malik olduğunu bildirib. O qeyd edib ki, ABŞ nümayəndə heyəti Dohada İranla dolayı danışıqlar aparır. Danışıqlarda əsas diqqət Hörmüz boğazında gəmiçiliyin təhlükəsizliyinə yönəlib. Vens ABŞ-nin İrana zərbələrinin boğazda təhlükəsiz hərəkətin təmin edilməsi məqsədi daşıdığını iddia edib. İran isə nüvə silahı hazırladığı barədə ittihamları rədd edir və proqramının dinc xarakter daşıdığını bildirir. ABŞ və İran arasında danışıqlar davam edir. Tərəflər bölgədə gərginliyin azaldılması yollarını müzakirə edirlər.

1 İyul 2026 21:44

BAKI,VOA,Yusif Şərifzadə

ABŞ-nin vitse-prezidenti Cey Di Vens bildirib ki, İran regionda sabitliyi pozacaq addımlar atarsa, Prezident Donald Trampın buna cavab vermək üçün müxtəlif variantları mövcuddur.

VOA xəbər verir ki, Cey Di Vens yaydığı bəyanatda bildirib ki, İran nüvə proqramını bərpa etməyə çalışarsa, qonşularını təhdid edərsə və terrorçuluğu dəstəkləyərsə, ABŞ Prezidenti Donald Trampın buna qarşı tədbirlər görmək imkanları var.

İran isə indiyədək nüvə silahı hazırladığı barədə iddiaları qəti şəkildə rədd edərək nüvə proqramının yalnız dinc məqsədlərə xidmət etdiyini bəyan edib.

Vitse-prezident əlavə edib ki, ABŞ Hörmüz boğazında gəmilərə atəş açıldığına görə İrana zərbələr endirib və boğazda təhlükəsiz gəmiçiliyin təmin olunması üçün təzyiq vasitələrindən istifadə edib.

Cey Di Vens, həmçinin təsdiqləyib ki, ABŞ nümayəndə heyəti Qətərin paytaxtı Dohada İran tərəfi ilə dolayı danışıqlar aparır. Onun sözlərinə görə, danışıqların əsas mövzusu Hörmüz boğazında dəniz nəqliyyatının hərəkəti və bununla bağlı texniki məsələlərdir.