ABŞ hərbi helikopteri Ərəb dənizinə təcili eniş edib, bir ekipaj üzvü isə itkin düşüb

ABŞ Hərbi Dəniz Qüvvələrinə məxsus "Sea Hawk" tipli helikopter Ərəb dənizində təcili eniş edib. Hadisə zamanı dörd ekipaj üzvündən biri itkin düşüb. ABŞ Beşinci Donanmasının məlumatına görə, təcili eniş düşmən hücumu ilə əlaqəli olmayıb. Digər üç ekipaj üzvünün vəziyyəti stabildir və onlar "USS George H. W. Bush" gəmisindədirlər. Hazırda itkin düşən hərbçinin axtarışları davam edir. Hadisənin başvermə səbəbi araşdırılır. ABŞ hərbi qurumları əlavə məlumatın daha sonra açıqlanacağını bildiriblər.

1 İyul 2026 22:32

BAKI,VOA,Yusif Şərifzadə

ABŞ Hərbi Dəniz Qüvvələrinə məxsus "Sea Hawk" tipli helikopter Ərəb dənizində təcili eniş edib. Hadisə nəticəsində ekipaj üzvlərindən biri itkin düşüb.

VOA xəbər verir ki, bu barədə ABŞ-nin Beşinci Donanması məlumat yayıb.

Məlumata görə, "USS George H. W. Bush" təyyarədaşıyan gəmisinə təhkim olunmuş helikopterin insidenti bu gün 08:30 GMT radələrində baş verib.

Açıqlamada bildirilib ki, təcili enişin düşmən hücumu nəticəsində baş verdiyinə dair heç bir əlamət yoxdur.

Helikopterin dörd ekipaj üzvündən üçü "USS George H. W. Bush" gəmisindədir və onların vəziyyəti stabildir. Dördüncü ekipaj üzvünün axtarışları isə davam etdirilir.

ABŞ Beşinci Donanması hadisənin səbəblərinin araşdırıldığını da qeyd edib.