Hörmüz boğazı tam açıqdır və ABŞ Hərbi Dəniz Qüvvələrinin nəzarətindədir - ABŞ
ABŞ rəsmisi Hörmüz boğazının tam açıq olduğunu və ABŞ Hərbi Dəniz Qüvvələrinin nəzarətində qaldığını bildirib.
ABŞ-də yüksək hərbi vəzifələrdə dəyişikliklər davam edir
ABŞ Prezidenti Donald Tramp Hünq Kaonu Hərbi Dəniz Qüvvələri naziri vəzifəsinə namizəd göstərəcəyini açıqlayıb. Hünq Kao hazırda həmin vəzifəni müvəqqəti icra edir. Tramp onun Hərbi Dəniz Qüvvələri və Dəniz Piyadaları Korpusunun rəhbərliyi üçün uyğun namizəd olduğunu bildirib. ABŞ Prezidenti Senatı namizədliyi mümkün qədər tez təsdiqləməyə çağırıb. Hünq Kaonun sələfi Con Felan aprel ayında vəzifəsindən ayrılıb. Quru Qoşunları naziri Den Driskoll da bazar ertəsi istefa ərizəsi təqdim edib. Onun müdafiə naziri Pit Heqsetlə münasibətlərində gərginlik olduğu barədə məlumatlar yayılmışdı. Vyetnamda anadan olan Hünq Kao 1975-ci ildə qaçqın kimi ABŞ-yə köçüb.
Üsamə bin Ladeni öldürən hərbiçidən UFO ilə bağlı iddia: “Bunlar ABŞ-nin gizli PUA-larıdır”
ABŞ Hərbi Dəniz Qüvvələrinin xüsusi təyinatlı bölməsinin keçmiş üzvü Robert O'Nil naməlum uçan obyektlərlə bağlı diqqətçəkən iddia irəli sürüb. O, bu obyektlərin yadplanetlilərə deyil, ABŞ ordusunun gizli şəkildə sınaqdan keçirdiyi qabaqcıl texnologiyalara aid ola biləcəyini düşünür.
Hörmüz boğazındakı bütün minalar təmizlənib - Tramp
Donald Tramp Hörmüz boğazının beynəlxalq sularındakı bütün dəniz minalarının təmizləndiyini və ya məhv edildiyini bildirib. ABŞ Prezidenti bu barədə Hərbi Dəniz Qüvvələrinin ona məlumat verdiyini deyib. Tramp İrana yeni minaların yerləşdirilməməsi barədə xəbərdarlıq edildiyini açıqlayıb. Onun sözlərinə görə, yeni mina yerləşdirən istənilən gəmi və ya qayıq məhv ediləcək. ABŞ Prezidenti minaların yerləşdirilməsinə qarşı “sıfır dözümlülük” siyasətinin qüvvədə olduğunu bildirib. Tramp mümkün hərbi tədbirlərin təfərrüatlarını açıqlamayıb. Hörmüz boğazı beynəlxalq enerji və dəniz daşımaları baxımından strateji əhəmiyyət daşıyır. Açıqlama boğazda təhlükəsiz gəmiçiliyin bərpası istiqamətində diplomatik səylərin davam etdiyi bir vaxtda verilib.
ABŞ “Corc Vaşinqton” təyyarədaşıyan gəmisini Yaxın Şərqə yerləşdirib
ABŞ “Corc Vaşinqton” təyyarədaşıyan gəmisinin Yaxın Şərqə çatdığını təsdiqləyib. Gəminin başçılıq etdiyi zərbə qrupu ABŞ Mərkəzi Komandanlığının məsuliyyət bölgəsində fəaliyyətə başlayıb. “Corc Vaşinqton” hazırda Ərəb dənizindədir. Onun bölgəyə göndərilməsinin əvvəlcədən planlaşdırıldığı bildirilir. Təyyarədaşıyan gəminin uzun müddətdir bölgədə olan “Abraham Linkoln”u əvəz etməsi gözlənilir. “Abraham Linkoln”un heyətinin uzunmüddətli xidməti ABŞ-də müzakirələrə səbəb olub. Bəzi qanunvericilər gəmidəki şəraitin araşdırılmasını tələb ediblər. “Corc Vaşinqton”un gəlişi ABŞ-nin Yaxın Şərqdə güclü hərbi-dəniz mövcudluğunu davam etdirdiyini göstərir.
“Abraham Linkoln” 54-cü dəniz təchizatı əməliyyatını tamamlayıb
ABŞ-nin “Abraham Linkoln” təyyarədaşıyan gəmisi Beşinci Donanmanın məsuliyyət bölgəsində 54-cü dəniz təchizatı əməliyyatını başa çatdırıb. Gəmi doqquz təchizat gəmisi ilə ümumilikdə 140 saat birgə fəaliyyət göstərib. Bu müddətdə ona 75,7 milyon litrdən çox yanacaq çatdırılıb. Bundan başqa, 10 min 261 yük altlığı həcmində ərzaq, ehtiyat hissələri və müxtəlif materiallar gəmiyə verilib. “Abraham Linkoln” təxminən doqquz aydır hərbi xidmətdədir və İrana qarşı əməliyyatlarda iştirak edib. Uzunmüddətli xidmət gəmidə təchizat və yaşayış şəraiti ilə bağlı problemlər barədə xəbərlərin yayılmasına səbəb olub. ABŞ-də bəzi qanunvericilər gəmidəki şəraitlə bağlı Hərbi Dəniz Qüvvələrindən izahat tələb ediblər. Təyyarədaşıyan gəminin yaxın zamanda ABŞ-yə qayıtması gözlənilir.
ABŞ Tomahawk raketlərinin istehsalını artırmaq üçün 22,9 milyard dollarlıq müqavilə bağladı
ABŞ Tomahawk qanadlı raketlərinin istehsalını artırmaq üçün 22,9 milyard dollarlıq müqavilə bağlayıb. Müqavilə ABŞ Hərbi Dəniz Qüvvələri ilə “Raytheon” şirkəti arasında imzalanıb. Saziş yeddi il müddətinə nəzərdə tutulub. Tomahawk raketlərinin illik istehsalının 60 ədəddən 1 000-dən çoxa çatdırılması planlaşdırılır. Qərar ABŞ-ın İranla müharibə zamanı silah ehtiyatlarının azalması ilə bağlı narahatlıqlar fonunda qəbul edilib. Tomahawk raketləri gəmilərdən və sualtı qayıqlardan buraxıla bilir. ABŞ son dövrdə digər mühüm raket sistemlərinin istehsalını da artırmağa çalışır. Yeni müqavilə Vaşinqtonun hərbi ehtiyatlarını sürətlə bərpa etmək səylərinin bir hissəsidir.
İran müharibəsi ABŞ Hərbi Dəniz Qüvvələrini gərginlik altında saxlayır
ABŞ-ın İranla müharibəyə cəlb olunması ölkənin təyyarədaşıyan gəmilərinin imkanlarını ciddi şəkildə sınağa çəkir. “USS George Washington” təyyarədaşıyan gəmisinin Asiyadan ayrılaraq Yaxın Şərqə göndərilməsi ilə Qərbi Sakit okean bölgəsi müvəqqəti olaraq ABŞ təyyarədaşıyan gəmisi olmadan qalacaq.
ABŞ Yaxın Şərqə yeni təyyarədaşıyan gəmi göndərib
ABŞ Mərkəzi Komandanlığı USS George H. W. Bush təyyarədaşıyan gəmisinin Ərəb dənizində fəaliyyət göstərdiyini açıqlayıb. Nimitz sinfinə aid nüvə enerjili gəminin bölgəyə yerləşdirilməsi USS Abraham Lincoln gəmisinin ekipajının 250 gündən çox davam edən yerləşdirilməsi ilə bağlı narahatlıqların artdığı vaxta təsadüf edir. CENTCOM gəminin Yaxın Şərqdə təhlükəsizliyə dəstək verdiyini bildirib.
ABŞ-ın “tam nəzarət” iddiasına baxmayaraq, niyə az sayda gəmi Hörmüzdən keçir?
ABŞ İran limanlarına qarşı qeyri-müəyyən müddətli dəniz blokadası tətbiq edə biləcəyi barədə xəbərdarlıq edib. Vaşinqton bu addımı İranı iqtisadi baxımdan daha da təcrid etmək üçün yeni tədbirlərlə birlikdə nəzərdən keçirir. ABŞ və İran arasında atəşkəs danışıqlarında hələ də razılıq əldə olunmayıb. Eyni zamanda, Hörmüz boğazında gəmi hərəkəti ciddi şəkildə məhdudlaşıb. ABŞ Prezidenti Donald Tramp boğaza tam nəzarət etdiklərini bildirsə də, bu həftə boğazdan yalnız az sayda gəmi keçə bilib. ABŞ daxilində “Abraham Linkoln” aviadaşıyıcı gəmisində ağır xidmət şəraiti ilə bağlı narahatlıqlar da artıb. Konqres üzvləri gəmidə təminat, su, təhlükəsizlik və hərbi qulluqçuların psixoloji vəziyyəti ilə bağlı məlumatlardan sonra açıqlama tələb ediblər. Bu amillər ABŞ-ın İran ətrafında uzunmüddətli dəniz blokadasını davam etdirmək imkanları ilə bağlı suallar yaradıb.
Pit Heqset “Abraham Linkoln” gəmisindəki ağır şəraitlə bağlı məlumatları təkzib edib
ABŞ-nin müdafiə naziri Pit Heqset “Abraham Linkoln” təyyarədaşıyan gəmisində ağır xidmət şəraiti ilə bağlı məlumatları təkzib edib. O, yayılan məlumatların həqiqəti düzgün əks etdirmədiyini bildirib. Hegset gəmi heyətinin bütün zəruri vasitələrlə təmin edilməsinə çalışıldığını vurğulayıb. “Abraham Linkoln” təyyarədaşıyan gəmisinin 250 gündən artıqdır dənizdə olduğu bildirilir. ABŞ senatoru Riçard Blumental gəmidə əsas tələbat mallarının çatışmazlığı ilə bağlı Müdafiə Nazirliyindən açıqlama tələb edib. O, içməli suyun çirklənməsi, su və kanalizasiya sistemində nasazlıqlar və göyərtədə təhlükəsizlik problemləri barədə məlumatlara diqqət çəkib. Senator uzunmüddətli xidmətin hərbçilərin ruh halına mənfi təsir göstərdiyinə dair narahatlıqları da gündəmə gətirib. Hegset isə dənizçilərin çətin şəraitdə xidmət etdiyini qəbul etsə də, onların təminatı ilə bağlı yayılan məlumatların təhrif olunduğunu bildirib.
ABŞ İran limanlarının dəniz mühasirəsini müddətsiz davam etdirə bilər - Pit Heqset
ABŞ-nin müdafiə naziri Pit Heqset İran limanlarına tətbiq edilən dəniz mühasirəsinin müddətsiz davam etdirilə biləcəyini bildirib. Onun sözlərinə görə, ABŞ Hərbi Dəniz Qüvvələri bunun üçün kifayət qədər imkanlara malikdir. Hərbi gəmilərin növbəli şəkildə dəyişdirilməsi mühasirənin fasiləsiz saxlanmasına imkan verəcək. ABŞ İran limanlarına giriş və çıxışa nəzarəti Tehran üzərində təzyiq vasitəsi kimi istifadə edir. İran isə dəniz mühasirəsinin aradan qaldırılmasını əsas tələblərindən biri kimi irəli sürür. Tərəflər Hörmüz boğazındakı vəziyyətlə bağlı da fərqli mövqelər səsləndirirlər. Vaşinqton dənizdəki hərbi mövcudluğunu uzun müddət qorumaq imkanına malik olduğunu bildirir. Hegsetin son açıqlaması ABŞ-İran qarşıdurmasının yaxın zamanda tam həll olunmayacağı ehtimalını gücləndirir.
