Səudiyyə Ərəbistanının xarici işlər nazirinin müavini Əli Xameneinin vida mərasimində iştirak edib

Səudiyyə Ərəbistanının xarici işlər nazirinin müavini Valid əl-Xurayci Tehranda keçirilən Əli Xameneinin vida mərasimində iştirak edib. O, nümayəndə heyəti ilə birlikdə İranın keçmiş ali rəhbərinin xatirəsini yad edib. Məlumatda İranın müharibə zamanı Səudiyyə Ərəbistanındakı ABŞ hərbi bazalarına zərbələr endirdiyi də xatırladılır. Bundan əvvəl Səudiyyə Ərəbistanı İranı bölgədəki siyasətini yenidən nəzərdən keçirməyə çağırmışdı. İki ölkə arasında münasibətlər uzun illər gərgin olub. Lakin son illərdə Çinin vasitəçiliyi ilə normallaşma prosesi başlayıb. Vida mərasimində müxtəlif ölkələrin nümayəndələri iştirak edirlər.

3 İyul 2026 20:36

BAKI,VOA,Yusif Şərifzadə

Səudiyyə Ərəbistanının xarici işlər nazirinin müavini Valid əl-Xurayci rəhbərlik etdiyi nümayəndə heyəti ilə birlikdə İranın keçmiş ali rəhbəri Əli Xameneinin vida mərasimində iştirak edib.

VOA xəbər verir ki, Səudiyyə Ərəbistanının xarici işlər nazirinin müavini Valid əl-Xurayci Tehranda keçirilən mərasimdə Əli Xameneinin xatirəsini yad edib.

Məlumata görə, ABŞ və İsrailin İrana qarşı müharibəsi zamanı İran Səudiyyə Ərəbistanında yerləşən ABŞ hərbi bazalarına dəfələrlə zərbələr endirmişdi.

Xatırladılır ki, bu ilin mart ayında Səudiyyə Ərəbistanının xarici işlər naziri Feysəl bin Fərhan əl-Səud İranı bölgədəki fəaliyyətini yenidən nəzərdən keçirməyə çağırmış və ölkəsinin, eləcə də qonşu körfəz dövlətlərinin təhlükəsizliyinə yönələn hücumlara dözümlülüyün məhdud olduğunu bildirmişdi.

Qeyd edək ki, Səudiyyə Ərəbistanı ilə İran arasında münasibətlər uzun illər gərgin olsa da, tərəflər üç il əvvəl Çinin vasitəçiliyi ilə münasibətlərin normallaşdırılması prosesinə başlayıblar.