BAKI,VOA,Yusif Şərifzadə
ABŞ Prezidenti Donald Tramp Hörmüz boğazının təhlükəsizliyinin təmin olunması müqabilində ABŞ-a investisiyaların yatırılmasını dəstəklədiyini bildirib.
VOA xəbər verir ki, Donald Tramp Hörmüz boğazının qorunması ilə bağlı açıqlama verərək, bu istiqamətdə ABŞ-a investisiya qoyuluşlarını müsbət qarşıladıqlarını deyib.
“Biz Hörmüz boğazının qorunmasını təmin etmək müqabilində ABŞ-a investisiyaları alqışlayırıq”, - deyə Tramp bildirib.
ABŞ Prezidenti daha əvvəl Hörmüz boğazından keçən gəmilərlə bağlı müxtəlif təkliflər irəli sürmüş, sonradan isə rüsum tətbiqi əvəzinə Körfəz ölkələrinin ABŞ-a investisiya yatırması məsələsinə diqqət çəkmişdi.
Hörmüz boğazı ilə bağlı müzakirələr ABŞ-İran qarşıdurması, dəniz təhlükəsizliyi və qlobal enerji daşımaları fonunda davam edir.
Dünyanın ən mühüm enerji marşrutlarından biri hesab olunan bu su yolunun təhlükəsizliyi beynəlxalq bazarlar üçün xüsusi əhəmiyyət daşıyır.
