BAKI,VOA, Fərid Mikayılov

Böyük Britaniyada hakim Leyboristlər Partiyasının yeni lideri Endi Bernem olub. Bu barədə qərar partiyanın xüsusi konfransında elan edilib.

VOA xəbər verir ki, nəticələri Leyboristlər Partiyasının Milli İcraiyyə Komitəsinin sədri Şabana Mahmud açıqlayıb.

Hakim partiyanın lideri seçilən 56 yaşlı Endi Bernem Böyük Britaniyanın yeni baş naziri vəzifəsini də icra edəcək. O, istefa vermək qərarı alan Kir Starmeri əvəz edəcək.

Məlumata əsasən, Dauninq-stritdə hakimiyyətin rəsmi təhvil-təslim mərasimi iyulun 20-də keçiriləcək.

Leyboristlər Partiyasının rəhbərliyi uğrunda namizədlərin irəli sürülməsi prosesi iyulun 15-də başa çatıb. Lakin Böyük Mançesterin sabiq meri Endi Bernemdən başqa heç bir siyasətçi namizədliyini irəli sürməyib.

Beləliklə, Bernem rəqibsiz şəkildə partiya sədri seçilərək Böyük Britaniyanın siyasi rəhbərliyini öz üzərinə götürəcək.