Səudiyyə Media Akademiyasının Media Liderləri proqramının iştirakçıları Londonda “The Times” və “The Sunday Times” qəzetlərinin redaksiyalarını ziyarət ediblər.
ArabAZ xəbər verir ki,səfər çərçivəsində iştirakçılar media sahəsində rəqəmsal transformasiya, müasir jurnalistika və media sənayesində texnologiyaların tətbiqi ilə bağlı təcrübələrlə tanış olublar.
Proqram iştirakçıları “The Times” və “The Sunday Times”ın redaksiya işinin təşkili, rəqəmsal məzmunun hazırlanması və müasir media mühitinin yaratdığı imkanlar barədə məlumat əldə ediblər.
Səfər Səudiyyə Media Akademiyasının media liderlərinin peşəkar bacarıqlarının inkişaf etdirilməsi və beynəlxalq media təcrübəsinin öyrənilməsi istiqamətində həyata keçirdiyi proqram çərçivəsində təşkil olunub.
