BAKI,VOA,Yusif Şərifzadə
ABŞ Prezidenti Donald Tramp ölkənin neft şirkətlərini amerikalı istehlakçılar üçün yanacaq qiymətlərini dərhal aşağı salmağa çağırıb.
VOA xəbər verir ki, Tramp sosial şəbəkə hesabında Chevron şirkətinin baş icraçı direktoru Mayk Virti administrasiyasının neft sənayesinə verdiyi dəstəyi qiymətləndirməməkdə ittiham edib.
Prezident bildirib ki, onun administrasiyasının siyasəti olmasaydı, ABŞ-ın neft sənayesi və ölkə iqtisadiyyatı ciddi çətinliklərlə üzləşərdi.
Tramp paylaşımında neft şirkətlərinə müraciət edərək pərakəndə yanacaq qiymətlərini dərhal aşağı salmağa çağırıb.
Bu çağırış qlobal neft qiymətlərinin bazar ertəsi günü enməsi fonunda səsləndirilib. Qiymətlərin azalmasına Trampın həftəsonu İrana qarşı yeni hərbi zərbə endirməkdən imtina etməsi və münaqişənin diplomatik yolla həllinə üstünlük verməsi təsir göstərib.
Bununla yanaşı, Tehran ABŞ ilə hazırda heç bir danışığın aparılmadığını və bu gün üçün də belə bir planın olmadığını açıqlayıb.
