BAKI,VOA Orxan Qədirzadə
Hörmüz boğazından keçən gəmilərin sayı son bir həftənin ən aşağı səviyyəsinə enib. Kpler məlumatlarına görə, çərşənbə axşamı boğazda cəmi 8 gəmi qeydə alınıb.
Bu göstərici əvvəlki 10 günün gündəlik orta göstəricisi olan 12 gəmidən xeyli aşağıdır. Müqayisə üçün, İranın boğazı bağlamasından əvvəl bu marşrutdan gündə 130-140 gəmi keçirdi.
Məlumata görə, boğazdan keçən gəmilərin sayının azalması bölgədə davam edən hərbi gərginlik və gəmi sahiblərinin marşrutdan yayınması ilə bağlıdır. Bu vəziyyət neft daşımalarının və yükdaşıma xərclərinin artmasına səbəb olub.
Yaxın Şərqdən Çinə əsas neft marşrutu üzrə supertankerin gündəlik icarə haqqı təxminən 500 min dollara yüksəlib.
