BAKI,VOA, Fərid Mikayılov
Rusiya Müdafiə Nazirliyi Ukraynanın Odessa vilayətində yerləşən İzmail və Reni limanlarına gecə saatlarında zərbələr endirildiyini açıqlayıb.
VOA xəbər verir ki, Rusiya Müdafiə Nazirliyinin məlumatına görə, hücumlar pilotsuz uçuş aparatlarından istifadə edilməklə həyata keçirilib.
Bildirilib ki, Reni limanında Ukrayna Hərbi Dəniz Qüvvələrinin idarəetmə mərkəzi, İzmail limanında isə Ukrayna hərbçilərinin müvəqqəti yerləşdiyi ərazi hədəfə alınıb.
Açıqlamada həmçinin İzmail limanında hərbi yüklərin daşınması və saxlanılması üçün istifadə olunan infrastruktur obyektlərinin vurulduğu qeyd edilib.
Rusiya tərəfi zərbələrin Ukrayna ordusunun hərbi imkanlarının təmin edilməsində istifadə olunan liman infrastrukturlarına qarşı həyata keçirildiyini bildirib.
