BAKI, AzerVoice

İsrailin Baş naziri Netanyahu çarpaz dindirmə prosesi zamanı ona ünvanlanan sualllara 1788 dəfə “xatırlamıram” deyib.

AzerVoice xəbər verir ki, İsrailin Baş naziri Benyamin Netanyahu ilk dəfə çarpaz sorğu-suala tutulub və ifadəsində tam 1788 dəfə “xatırlamıram” cavabını verib.

“The Jerusalem Post”un məlumatına görə, Netanyahu bu prosesi “zarafat” adlandırıb. Dindirmə zamanı prokuror onun Hollivud prodüseri Arnon Milçan və iş adamı Ceyms Pakerdən aldığı 195 min dollarlıq siqar, şampan və həyat yoldaşı üçün 3 min 100 dollarlıq zinət əşyaları ilə bağlı suallar ünvanlayıb. Netanyahu isə yaddaş problemi səbəbilə suallara cavab vermədiyini bildirib.

Qeyd edək ki, Netanyahu 2019-cu ildə “rüşvət alma, etibara xəyanət və vəzifə səlahiyyətlərindən sui-istifadə” ittihamları ilə açılmış üç ayrı korrupsiya işi üzrə mühakimə olunur. O, vəzifədə olarkən məhkəmə qarşısına çıxan ilk İsrail Baş naziri kimi tarixə düşüb.