2025-ci ildə humanitar yardıma ehtiyacı olan insanların sayı 305 milyon nəfərə çatır

BMT-nin Humanitar Məsələlərin Əlaqələndirilməsi Ofisinin (UNOCHA) “2025 Qlobal Humanitar Hesabatı”na əsasən, bu il dünyada humanitar yardıma ehtiyacı olan insanların sayı 2015-ci illə müqayisədə təxminən dörd dəfə artacaq. 2015-ci ildə isə 77,9 milyon insanın humanitar yardıma ehtiyacı olduğu qeyd edilib. Humanitar böhranın əsas səbəbləri arasında müharibələr, iqlim dəyişikliyi və təbii fəlakətlər – yanğın, daşqın, torpaq sürüşməsi və qasırğalar – yer alır. Hesabata görə, 305 milyon insandan 85 milyonu Cənubi və Şərqi Afrikada, 59 milyonu Yaxın Şərq və Şimali Afrikada, 57 milyonu Qərbi və Mərkəzi Afrikada, 55 milyonu Asiya-Sakit okean regionunda, 34 milyonu Latın Amerikası və Karib hövzəsində, 15 milyonu isə Avropada yaşayır.

18 Avqust 2025 12:37

BAKI, AzerVoice, Nərmin Ağayeva

2025-ci ildə humanitar yardıma ehtiyacı olan insanların sayı 305 milyon nəfərə çatır.

AzerVoice xəbər verir ki, BMT-nin Humanitar Məsələlərin Əlaqələndirilməsi Ofisinin (UNOCHA) “2025 Qlobal Humanitar Hesabatı”na əsasən, bu il dünyada humanitar yardıma ehtiyacı olan insanların sayı 2015-ci illə müqayisədə təxminən dörd dəfə artacaq. 2015-ci ildə isə 77,9 milyon insanın humanitar yardıma ehtiyacı olduğu qeyd edilib.

Humanitar böhranın əsas səbəbləri arasında müharibələr, iqlim dəyişikliyi və təbii fəlakətlər – yanğın, daşqın, torpaq sürüşməsi və qasırğalar – yer alır. Hesabata görə, 305 milyon insandan 85 milyonu Cənubi və Şərqi Afrikada, 59 milyonu Yaxın Şərq və Şimali Afrikada, 57 milyonu Qərbi və Mərkəzi Afrikada, 55 milyonu Asiya-Sakit okean regionunda, 34 milyonu Latın Amerikası və Karib hövzəsində, 15 milyonu isə Avropada yaşayır.

UNOCHA-nın fəaliyyət planına əsasən, 189,5 milyon insanın humanitar ehtiyaclarını qarşılamaq üçün 47,4 milyard dollar tələb olunur. Humanitar yardıma ən çox ehtiyacı olan ölkələr arasında Sudan, Əfqanıstan, Konqo Demokratik Respublikası, Myanma və Yəmən yer alır. Misal üçün, Sudanda 30,4 milyon, Əfqanıstanda 22,9 milyon, KDR-də 21,2 milyon, Myanmada 19,9 milyon, Yəməndə isə 19,5 milyon insanın yardıma ehtiyacı olduğu bildirilib.

Hesabata görə, humanitar böhran yaşayan ölkələrdə orta ömür uzunluğu 67 il, qidalanma və təhsil səviyyəsi isə ciddi şəkildə aşağıdır. Bu ölkələrdə məcburi miqrasiya və sığınacaq problemi geniş yayılıb.