BAKI, AzerVoice, Nailə Babazadə
Çərşənbə günü Sudan paytaxtı Xartum pilotsuz uçuş aparatlarının (PUA) hücumuna məruz qalıb. “AFP” agentliyinə danışan hərbi mənbə və yerli şahidlər şəhərdə bir neçə partlayışın baş verdiyini təsdiqləyiblər.
AzerVoice xəbər verir ki, hərbi mənbənin məlumatına görə, hava hücumundan müdafiə qüvvələri hücuma cəhd edən PUA-ların əksəriyyətini məhv edib:
“Hava hücumundan müdafiə sistemlərimiz pilotsuz təyyarələrin çoxunu vurdu. Onlardan on ədəd kamikadze tipli PUA isə Sarkab və Xalid bin Vəlid hərbi düşərgələrinə hücum edib,” – deyə mənbə bildirib.
Omdurman sakinləri səhərin ilk saatlarından etibarən səma üzərində pilotsuz uçuş aparatlarının uçduğunu və şimal istiqamətindən güclü partlayış səslərinin eşidildiyini bildiriblər.
