Dünyanın ən böyük atom elektrik stansiyası fəaliyyətə başladıqdan bir gün sonra qəza səbəbindən dayanıb

Yaponiyanın Niigata prefekturasında yerləşən və dünyanın ən böyük istehsal gücünə malik "Kaşivazaki-Kariva" Atom Elektrik Stansiyasında (AES) yenidən texniki problemlər yaranıb. TEPCO şirkəti tərəfindən idarə olunan stansiyanın 6 nömrəli reaktoru dünən rəsmi yoxlamalardan sonra işə salınsa da cəmi bir gün sonra fəaliyyətini dayandırıb. Buna səbəb reaktordakı nüvə parçalanmasını tənzimləyən idarəetmə çubuqlarının elektrik komponentlərində yaranan nasazlıq olub. Qeyd edək ki 2011-ci ildə baş verən güclü zəlzələ və "Fukuşima" fəlakətindən sonra stansiyanın bütün yeddi reaktoru 2012-ci ildə təhlükəsizlik məqsədilə qapadılmışdı.

22 Yanvar 2026 13:24

Bizi buradan izləyin və Bizə yazın

BAKI, AzerVoice, Nailə Babazadə

Yaponiyanın Niigata prefekturasında yerləşən və dünyanın ən böyük istehsal gücünə malik "Kaşivazaki-Kariva" Atom Elektrik Stansiyasında (AES) yenidən texniki problemlər yaranıb.

AzerVoice xəbər verir ki, TEPCO şirkəti tərəfindən idarə olunan stansiyanın 6 nömrəli reaktoru dünən rəsmi yoxlamalardan sonra işə salınsa da cəmi bir gün sonra fəaliyyətini dayandırıb. Buna səbəb reaktordakı nüvə parçalanmasını tənzimləyən idarəetmə çubuqlarının elektrik komponentlərində yaranan nasazlıq olub. Qeyd edək ki 2011-ci ildə baş verən güclü zəlzələ və "Fukuşima" fəlakətindən sonra stansiyanın bütün yeddi reaktoru 2012-ci ildə təhlükəsizlik məqsədilə qapadılmışdı.

Niigata valiliyi AES ətrafında radiasiya səviyyəsinin normal olduğunu və hər hansı sızma təhlükəsinin aşkar edilmədiyini bildirib. Valı Hanazumi Hideyo 2025-ci ilin noyabrında reaktun yenidən işə salınmasına razılıq verərək bu qərarla siyasi karyerasını riskə atdığını bəyan etmişdi. Hazırda mütəxəssislər nasazlığın dəqiq səbəblərini araşdırırlar. 6 nömrəli reaktorun yenidən işə düşməsi Yaponiyadakı 33 nüvə reaktorundan 15-cisinin "Fukuşima" faciəsindən sonra fəaliyyətini bərpa etməsi demək idi.