BAKI, AzerVoice, Nailə Babazadə
ABŞ Cənub Komandanlığı (SOUTHCOM), Karib dənizində narkotik daşıdığı iddia edilən qayığın vurulduğunu və nəticədə 3 nəfərin öldüyünü açıqlayıb.
AzerVoice xəbər verir ki, SOUTHCOM-un sosial media platforması vasitəsilə yaydığı rəsmi bəyanatda bildirilir ki, narkotik qaçaqmalçılığı ilə məşğul olduğu iddia edilən hədəfə qarşı zərbə endirilib. Komandanlıq, kəşfiyyat məlumatlarının həmin gəminin birbaşa narkotik ticarəti fəaliyyətlərində iştirak etdiyini təsdiqlədiyini müdafiə edib və hücum anının görüntülərini paylaşıb.
ABŞ ordusunun son vaxtlar Karib dənizi və Sakit okeanda narkotik qaçaqmalçılığı ittihamı ilə bəzi qayıqlara hücumlar təşkil etməsi və daxilindəki şəxsləri birbaşa hədəf alması beynəlxalq ictimaiyyətdə ciddi müzakirələrə səbəb olub. Bu cür hərəkətlər bir çox hüquq müdafiəçiləri və beynəlxalq qurumlar tərəfindən "məhkəməsiz edam" kimi qiymətləndirilir və tənqid olunur.
