İranın hərbi potensialı tükənmək üzrədir - Tramp

ABŞ Prezidenti Donald Tramp "Politico" nəşrinə verdiyi müsahibədə fevralın 28-dən bəri davam edən İran-İsrail-ABŞ münaqişəsi ilə bağlı mühüm açıqlamalar verib. Trampın sözlərinə görə, İranın silah və raket potensialı ciddi şəkildə zəifləyib və hərbi resursları tükənməkdədir. Tramp bildirib ki, münaqişə bir neçə günə başa çata bilər və ya 4-5 həftə davam edə bilər. O, ABŞ-ın mühimmat ehtiyatlarının "sınırsız" olduğunu və müdafiə sənayesi şirkətlərinin fövqəladə vəziyyət rejimində istehsalı artırdığını vurğulayıb. "İranın raket buraxılış qurğuları bitmək üzrədir, bizim isə istehsal gücümüz bərpa olunur" – deyə Tramp əlavə edib.

4 Mart 2026 11:07

BAKI,VOA, Nailə Babazadə

VOA xəbər verir ki, Tramp bildirib ki, münaqişə bir neçə günə başa çata bilər və ya 4-5 həftə davam edə bilər. O, ABŞ-ın mühimmat ehtiyatlarının "sınırsız" olduğunu və müdafiə sənayesi şirkətlərinin fövqəladə vəziyyət rejimində istehsalı artırdığını vurğulayıb. "İranın raket buraxılış qurğuları bitmək üzrədir, bizim isə istehsal gücümüz bərpa olunur" – deyə Tramp əlavə edib.

ABŞ Prezidenti əməliyyatlar nəticəsində İranın 49 yüksək rütbəli liderinin öldürüldüyünü təsdiqləyib. O, yeni rəhbərliklə danışıqlara başlamaq üçün hələ gec olmadığını və öldürülən generalların yerinə iddialı olan yeni adların ortaya çıxdığını qeyd edib.

Xatırladaq ki, 28 fevraldan başlayan hücumlar nəticəsində İranın ali rəhbəri Ayetullah Əli Xameneyi də daxil olmaqla çox sayda rəsmi şəxs həyatını itirib. İran Qızıl Aypara Cəmiyyətinin son məlumatına görə, bombardmanlar nəticəsində ölənlərin sayı 787-yə çatıb. İran isə cavab olaraq Qətər, BƏƏ və Bəhreyndəki ABŞ bazalarını hədəf almağa davam edir.