BAKI, VOA, Nailə Babazadə
ABŞ-ın müdafiə naziri Pit Heqset ölkəsinin və İsrailin İrana qarşı həyata keçirdiyi hücumlarla bağlı verdiyi açıqlamada: "Bu cür hadisələr can itkisi olmadan baş vermir. Daha çox can itkisi olacaq", - deyə bildirib.
VOA xəbər verir ki, Heqset CBS telekanalında yayımlanan "60 Minutes" proqramında ABŞ və İsrailin İrana hücumları ilə bağlı sualları cavablandırıb. ABŞ Prezidenti Donald Trampın bu hücumlardan sonra can itkilərinin qaçılmaz olacağı barədə fikirlərini dəstəkləyən Heqset, "Bu cür proseslər itkisiz ötüşmür. Daha çox can itkisi olacaq" deyə vurğulayıb.
Heqset, xüsusilə öz nəslinin "amerikalıların ölkəyə tabutda qayıtmasının nə demək olduğunu bildiyini" ifadə edərək, bu vəziyyətin onları zəiflətmədiyini, əksinə, müharibəni bitirmək üçün qətiyyətlərini artırdığını iddia edib.
Digər tərəfdən, nazir İran hərbi dəniz qüvvələrinə məxsus daha çox gəmini batıracaqlarını və hücumlarda konvensional sursatlarla idarə olunmayan bombaların istifadə ediləcəyi mərhələnin hələ başlamadığını qeyd edib.
İranın müəyyən bir nöqtədə müharibədə təsirsiz qalacağını və təslim olmaqdan başqa seçimi olmayacağını müdafiə edən Heqset bu fikirləri paylaşıb: "Biz döyüşməyə hələ yeni başlamışıq, hələ yüksəliş mərhələsindəyik. Buna görə də, iranlılar bu qarşıdurmanın sonunda kimin qalib gələcəyini hesablamayıblarsa, zamanla Prezident Trampın bu müharibədə nə qədər qətiyyətli olduğunu anlamağa başlayacaqlar".
