BAKI,VOA, Nailə Babazadə
Səudiyyə Ərəbistanının rəsmi xəbər agentliyi SPA-nın məlumatına görə, vəliəhd şahzadə Məhəmməd bin Salman ilə Pakistanın Baş naziri Şahbaz Şərif arasında telefon danışığı baş tutub. Görüş zamanı liderlər regionda sürətlə inkişaf edən hadisələri və təhlükəsizlik məsələlərini müzakirə ediblər.
VOA xəbər verir ki, baş nazir Şərif İranın Krallıqdakı obyektləri hədəf alan davamlı hücumlarını kəskin şəkildə pisləyib. O, bu hücumları Səudiyyə Ərəbistanının suverenliyinin və ərazi bütövlüyünün ciddi şəkildə pozulması kimi xarakterizə edib. Pakistanın hökumət başçısı bu hərəkətlərin bölgədə təhlükəsizlik və sabitliyi təhdid edən təhlükəli bir gərginlik yaratdığı barədə xəbərdarlıq edib.
Şahbaz Şərif həmçinin Pakistanın Səudiyyə Ərəbistanı ilə tam həmrəy olduğunu və ölkəsinin Krallığa hər cür dəstək verməyə hazır olduğunu bir daha təsdiqləyib.
