BAKI,VOA,Yusif Şərifzadə
BMT-nin Beynəlxalq Dəniz Təşkilatı (IMO) Körfəz regionunda qalan minlərlə dənizçinin təxliyəsinə başlayacağını açıqlayıb.
VOA xəbər verir ki, təşkilatın baş katibi Arsenio Dominges 11 mindən çox dənizçinin münaqişə səbəbindən aylardır liman və gəmilərdə sıxıntı içində qaldığını bildirib.
O qeyd edib ki, ABŞ və İran arasında əldə olunan sülh razılaşması dəniz təhlükəsizliyinin bərpası üçün mühüm dönüş nöqtəsi olub.
Domingesin sözlərinə görə, genişmiqyaslı təxliyə əməliyyatı İran, Oman, regiondakı digər sahil dövlətləri, ABŞ və dənizçilik sənayesi ilə koordinasiyada həyata keçiriləcək.
O vurğulayıb ki, əməliyyat üçün zəruri təhlükəsizlik təminatları əldə olunub və təhlükəsiz naviqasiya şərtləri diqqətlə yoxlanılıb.
