BAKI,VOA,Yusif Şərifzadə
BMT sülhməramlıları Livanın cənubunda günorta saatlarınadək ümumi nisbi sakitlik müşahidə olunduğunu açıqlayıb.
VOA xəbər verir ki, BMT baş katibinin müavini və sözçüsü Fərhan Haq bu barədə məlumat verib.
Onun sözlərinə görə, gecə saatlarında “Mavi xətt”in cənubundan atılan iki raket trayektoriyası qeydə alınıb və mərmilər Litani çayının şimalına düşüb.
Fərhan Haq bildirib ki, nisbi sakitliyə baxmayaraq İsrail tərəfindən hava məkanının pozulması halları davam edir və əsasən pilotsuz uçuş aparatları istifadə olunur.
O həmçinin qeyd edib ki, Livan ərazisində İsrail quru hərəkətliliyi, zirehli texnikaların hərəkəti, mühəndislik və logistik fəaliyyət müşahidə olunub.
BMT sülhməramlılarının məlumatına görə, Naqura sahillərinin cənub-qərbində Livan sularında dörd İsrail patrul qayığı da qeydə alınıb.
