BAKI,VOA,Yusif Şərifzadə
OpenAI ABŞ hökumətinin müraciətindən sonra GPT-5.6 süni intellekt modelinin geniş ictimaiyyət üçün istifadəyə verilməsini təxirə saldığını açıqlayıb.
VOA xəbər verir ki, şirkətin yaydığı məlumata əsasən, modelin ilkin mərhələdə istifadəsi yalnız hökumətlə məlumatları paylaşılmış və əvvəlcədən yoxlanılmış məhdud sayda tərəfdaş üçün mümkün olacaq.
Bildirilib ki, qərar ABŞ hökumətinin qabaqcıl süni intellekt modellərinə erkən çıxış əldə etmək istəyi fonunda qəbul edilib.
Məlumata görə, Vaşinqtonda güclü süni intellekt sistemlərinin milli təhlükəsizlik baxımından yarada biləcəyi risklərlə bağlı narahatlıqlar artır. Bu səbəbdən siyasətçilər texnologiya şirkətlərini belə modellər üçün daha güclü təhlükəsizlik mexanizmləri tətbiq etməyə çağırırlar.
