BAKI,VOA,Yusif Şərifzadə
ABŞ Prezidenti Donald Trampın İranla atəşkəsin başa çatdığını bildirməsindən sonra dünya bazarlarında neftin qiyməti yüksəlib, səhm birjalarında isə eniş müşahidə olunub.
VOA xəbər verir ki, Trampın Ankarada keçirilən Şimali Atlantika Müqaviləsi Təşkilatının zirvə toplantısında səsləndirdiyi açıqlamalardan sonra Brent markalı neftin bir barrelinin qiyməti 5,8 faiz artaraq 78,43 dollara çatıb.
Eyni zamanda, qlobal səhm bazarlarında cüzi itkilər qeydə alınıb. ABŞ-da S&P 500 göstəricisi 0,3 faiz, Dou Cons sənaye göstəricisi isə günorta ticarətində 1 faiz geriləyib.
Böyük Britaniyanın FTSE 100 göstəricisi ticarəti 1,66 faiz azalma ilə başa vurub. Avropanın Stoxx 600 göstəricisi isə 1,61 faiz dəyər itirib.
Almaniyanın DAX göstəricisi 2,3 faiz, Fransanın CAC göstəricisi isə ticarətin sonunda 2,18 faiz ucuzlaşıb.
