Bakı. AzerVoice:

Özbəkistan Hava Yolları bu il yeni beynəlxalq reyslərə başlayacaq.

AzerVoice bu barədə aviaşirkətin mətbuat xidmətinə istinadən xəbər verir.

Verilən məlumata görə, Özbəkistan Hava Yollarının martın 31-dən Romaya (İtaliya), aprelin 1-dən isə Mumbaya (Hindistan) uçuşları başlayacaq.

Bununla yanaşı, Özbəkistan mayın 29-dan Gürcüstanın Batumi şəhərinə uçuşları bərpa edəcək.

Aviaşirkət ilk dəfə olaraq mayın 4-də Nha Tranqa (Vyetnam) uçuşlara başlayacaq.

Əlavə olaraq qeyd edək ki, Qatar Airways iyunun 2-dən etibarən Dohadan Özbəkistanın Daşkənd şəhərinə həftədə dörd uçuş yerinə yetirməyə başlayacaq.

Biletlərin qiyməti Doha-Daşkənd xəttində 477 dollardan, Daşkənd-Doha-Daşkənd xəttində isə 983 dollardan başlayır.