Bakı, AzerVoice

HƏMAS ABŞ prezidenti Donald Trampın fələstinlilərin Qəzzanı tərk etməkdən başqa çarəsi olmadığı barədə bəyanatını rədd etdiyini bildirib.

AzerVoice xəbər verir ki, HƏMAS lideri Sami Əbu Zuhri Telegram-da yayımladığı açıqlamada Trampın sözlərinə sərt reaksiya verib.

"Tramp 'Qəzza zolağının xalqının tərk etməkdən başqa çarəsi yoxdur' deyib. Biz onların bəyanatlarını rədd edirik və bunu regionda xaos və gərginlik yaratmaq üçün reaksiya kimi görürük." – deyə Əbu Zuhri bildirib.

HƏMAS rəsmisi vurğulayıb ki, Qəzza sakinləri bu planların həyata keçməsinə imkan verməyəcək və beynəlxalq ictimaiyyətin bu cür açıqlamalara qarşı çıxması lazımdır.

Əbu Zuhri həmçinin qeyd edib ki, edilməsi lazım olan fələstinliləri öz torpaqlarından qovmaq deyil, İsrailin işğalına və hücumlarına son qoymaqdır.