Bakı. AzerVoice:
Rəfahda yalnız səkkiz səhra xəstəxanası xidmət göstərir.
AzerVoice xəbər verir ki, bu barədə BMT sözçünün müavini Farhan Haq gündəlik mətbuat konfransında bildirib.
Haq, qalan səkkiz səhra xəstəxanasının Rəfahdakı böyük ehtiyacları ödəməyə çalışdığını bildirib.
İsrail mətbuatının paylaşdığı, silahlı şəxslərin BMT-nin Yaxın Şərqdəki Fələstinli Qaçqınlara Yardım Agentliyinin (UNRWA) Rəfahdakı obyekti və maşınlarının ətrafında gəzdiyini göstərən video ilə bağlı Haq “UNRWA sözügedən videonun məzmununu və etibarlılığını təsdiq edə bilməz" bildirib.
Haq, İsrailin təxliyə əmrindən sonra UNRWA personalının bu binanı tərk etdiyini və maşınların geridə qaldığını bildirib.
Qeyd edək ki, Qəzzanın Səhiyyə Nazirliyi bildirir ki, Qəzzada 3 mindən çox fələstinli öldürülüb və 2,3 milyon əhalisinin əksəriyyəti evlərini tərk etmək məcburiyyətində qalıb.
Nazirlik öz sayında mülki şəxslər və döyüşçülər arasında fərq qoymur, lakin qadınların və uşaqların ölənlərin üçdə ikisini təşkil etdiyini bildirir.
İsrail dinc sakinlərin ölməsində HƏMAS-ı günahlandırır, çünki yaraqlılar sıx yaşayış məntəqələrində döyüşürlər.
İsrail heç bir sübut təqdim etmədən 13 min HƏMAS döyüşçüsü öldürdüyünü bildirib.
Hafiz Rufizoğlu
