BAKI, VOA, Nailə Babazadə
Türkiyə Böyük Millət Məclisinin (TBMM) Sədri Numan Kurtulmuş Xocalı Soyqırımının 34-cü ildönümü münasibətilə rəsmi sosial media hesabında anım mesajı yayımlayıb.
VOA xəbər verir ki, Numan Kurtulmuş paylaşımında Xocalıda törədilən insanlıq dramının acısını Azərbaycan xalqı ilə birlikdə paylaşdıqlarını ifadə edib.
"Xocalıda yaşanan insanlıq faciəsinin 34-cü ildönümündə qətlə yetirilən qardaşlarımızın əziz xatirəsini ehtiramla və rəhmətlə yad edir, Azərbaycan xalqının kədərinə səmimi qəlbdən şərik oluruq." - deyə paylaşımda qeyd edilib.
TBMM Sədri həmçinin Türkiyənin hər zaman dost və qardaş Azərbaycanın yanında olduğunu bir daha vurğulayıb. O, "tək millət, iki dövlət" ruhu ilə iki ölkə arasındakı həmrəyliyin qətiyyətlə davam etdiriləcəyini qeyd edib.
