BAKI,AzerVoice
Qazaxıstan Prezidenti Kasım-Jomart Tokayev Rusiya Prezidenti Vladimir Putinlə telefon danışığı aparıb.
AzerVoice xəbər verir ki, telefon danışığı zamanı dövlət başçıları Qazaxıstan və Rusiya arasında dostluq, mehriban qonşuluq və müttəfiqlik ruhunda inkişaf edən ikitərəfli münasibətlərin dinamikasını yüksək qiymətləndiriblər.
Onlar, uzunmüddətli strateji əməkdaşlığın iki ölkə xalqlarının rifahına töhfə verdiyini və müxtəlif sahələrdə qarşılıqlı əlaqələrin daha da gücləndirilməsinin vacibliyini vurğulayıblar.
Prezidentlər ticarət-iqtisadi əməkdaşlıq məsələlərinə xüsusi diqqət yetirərək, bu sahədə əldə olunan uğurları qeyd ediblər. Onlar, son illərdə iqtisadi əlaqələrin dinamik şəkildə inkişaf etdiyini və qarşılıqlı ticarət dövriyyəsinin artdığını bildiriblər. Liderlər, bundan əvvəl yüksək səviyyədə əldə olunmuş razılaşmaların uğurla həyata keçirildiyini və gələcəkdə birgə layihələrin inkişaf etdirilməsinin vacibliyini vurğulayıblar.
Telefon danışığı zamanı tərəflər, regionda sabitliyin və təhlükəsizliyin təmin olunması üçün birgə səylərin davam etdirilməsinin əhəmiyyətini qeyd ediblər. Həmçinin, iki ölkənin qarşılıqlı maraqlar əsasında beynəlxalq təşkilatlar çərçivəsində əməkdaşlığını daha da möhkəmləndirmək niyyətində olduqları bildirilib.
