BAKI,AzerVoice

Qırğızıstanın Malayziyadakı səfiri Anvar Anarbayev, Malayziyanın İnvestisiya, Ticarət və Sənaye Nazirliyinin İkitərəfli İqtisadi və Ticarət Əlaqələri üzrə Baş direktoru Raşidi Səidlə görüş keçirib.

AzerVoice xəbər verir ki, səmimi və qarşılıqlı anlaşma şəraitində keçən görüş zamanı tərəflər Qırğızıstan ilə Malayziya arasında mövcud olan iqtisadi əlaqələrin vəziyyətini müzakirə edib, ticarət və investisiya sahələrində əməkdaşlığın daha da aktivləşdirilməsi imkanları ətrafında geniş fikir mübadiləsi aparıblar.

Səfir Anvar Anarbayev görüş zamanı Malayziya tərəfini Qırğızıstanda həyata keçirilən sosial-iqtisadi islahatlar barədə ətraflı məlumatlandırıb və ölkədəki biznes mühitinin investisiya üçün əlverişli olduğunu vurğulayıb.

O, həmçinin Malayziya iş adamlarını Qırğızıstandakı geniş imkanlardan faydalanmağa və qarşılıqlı investisiya layihələrinin həyata keçirilməsinə dəvət edib.

Öz növbəsində, Raşidi Səid Malayziyanın Qırğızıstanla iqtisadi əlaqələrin inkişafında maraqlı olduğunu bildirib və iki ölkə arasında ticarət dövriyyəsinin artırılması üçün mümkün bütün addımları dəstəkləyəcəklərini vurğulayıb.

Görüşün yekununda tərəflər iki ölkənin müvafiq dövlət qurumları və işgüzar dairələri arasında sıx əməkdaşlığın təmin olunması məqsədilə birgə ticarət-iqtisadi tədbirlərin və işgüzar görüşlərin təşkil edilməsinə dair konkret razılıqlar əldə ediblər.

Tərəflər bu tədbirlərin qarşılıqlı əlaqələrin genişlənməsinə və hər iki ölkənin iqtisadi inkişafına töhfə verəcəyinə əminlik ifadə ediblər.