BAKI, AzerVoice
İsraildə yaşayan Qırğızıstan vətəndaşları bölgədəki təhlükəsizlik böhranı səbəbilə ölkəni Misir vasitəsilə tərk edə biləcəklər.
AzerVoice xəbər verir ki, bu barədə Qırğızıstanın Xarici İşlər Nazirliyi rəsmi açıqlama yayıb.
Nazirliyin məlumatında bildirilir ki, İsrail ilə İran arasında baş verən gərginliyin artması fonunda bölgədəki vəziyyətin kəskinləşməsi Qırğızıstan vətəndaşlarının təhlükəsiz təxliyəsini zəruri edib.
Bu məqsədlə Misir tərəfi ilə əldə edilən razılıq əsasında Eylat şəhərində yerləşən Misirin Baş Konsulluğu qırğız vətəndaşlarına 14 gündən 30 günə qədər müddətli viza verəcək. Vizalar sadələşdirilmiş prosedurla təqdim olunacaq.
Qırğızıstanın İsraildəki Fəxri Konsulluğu təxliyə prosesini 2025-ci il iyunun 24-də, çərşənbə axşamı günü həyata keçirəcək. Təxliyə Herzliya şəhərindən Eylat şəhərinə təşkil olunmuş şəkildə baş tutacaq.
Xarici İşlər Nazirliyi İsraili tərk etmək istəyən vətəndaşlardan aşağıdakı məlumatları təcili olaraq təqdim etməyi xahiş edir:
- Tam ad və soyad
- Qırğızıstan vətəndaşına məxsus pasportun seriyası və nömrəsi
- İsraildə yaşadığı dəqiq ünvan
- Əlaqə nömrəsi
- Pasportun əsas səhifəsinin şəklini
