BAKI,AzerVoice, Fərid Mikayılov

Qırğızıstan Respublikasının Təhsil Nazirliyi uşaq bağçalarında, məktəblərdə, peşə liseylərində və əlavə təhsil müəssisələrində zorakılığın qarşısını almaq və uşaqları qorumaq məqsədilə milli tədqiqat aparır.

AzerVoice xəbər verir ki, nazirlikdən bildirilib ki, tədqiqat çərçivəsində bu gün, 10 oktyabrda nazirlikdə müvafiq qurumların nümayəndələri ilə iclas keçirilib.

İclas zamanı təhsil müəssisələrində uşaqlara qayğı, onların qorunması və zorakılığın qarşısının alınması üzrə görülən işlər barədə məlumat verilib.

Eyni zamanda dövlət, bələdiyyə və ictimai qurumların qarşılıqlı əməkdaşlığı və mövcud problemlər müzakirə olunub.

Nazirlik qeyd edir ki, milli tədqiqatın nəticələrinə əsasən uşaq bağçalarında, məktəblərdə, peşə liseylərində və əlavə təhsil müəssisələrində uşaqlar və yeniyetmələr üçün təhsil sisteminin inkişafına, eləcə də cinayətkarlıq və zorakılığın bütün növlərinin qarşısının alınmasına yönəlmiş müvafiq sənəd hazırlanacaq.