Səudiyyə Ərəbistanının xarici işlər naziri şahzadə Feysəl bin Fərhan Rusiya ilə əməkdaşlığın qlobal enerji bazarlarının dəstəklənməsi baxımından mühüm əhəmiyyət daşıdığını bildirib.
ArabAZ xəbər verir ki,Feysəl bin Fərhan bu açıqlamanı Moskvaya səfəri zamanı verib. O bildirib ki, Səudiyyə Ərəbistanı ilə Rusiya arasında əməkdaşlıq siyasi və iqtisadi sahələr də daxil olmaqla geniş spektri əhatə edir və bu əməkdaşlıq qlobal enerji bazarlarının sabitliyinin dəstəklənməsində mühüm rol oynayır.
Nazirin sözlərinə görə, Səudiyyə Ərəbistanı və Rusiya OPEC+ çərçivəsində də əməkdaşlıq edir. İki ölkənin enerji sahəsində koordinasiyası qlobal bazarda neft tədarükünün sabitliyinin qorunmasına yönəlmiş səylərin əsas istiqamətlərindən biridir.
Feysəl bin Fərhanın Moskvaya səfəri Səudiyyə Ərəbistanı ilə Rusiya arasında siyasi və iqtisadi əlaqələrin müzakirə olunduğu bir vaxtda baş tutub. Tərəflər müxtəlif sahələrdə əməkdaşlığın inkişaf etdirilməsi və qarşılıqlı əlaqələrin genişləndirilməsi məsələlərini də gündəmdə saxlayırlar.
