Bakıda “Cəbhədən Fotolarla Çanaqqala Döyüşləri” adlı sərgi və panel keçiriləcək

22 oktyabr 2025-ci il tarixində Bakı Yunus Emre İnstitutu və Azərbaycan İstiqlal Muzeyinin birgə təşkilatçılığı ilə, Çanaqqala Döyüşlərinin 110-cu ildönümünə həsr olunmuş “Cəbhədən Fotolarla Çanaqqala Döyüşləri” adlı sərgi və panel proqramı keçiriləcək. Tədbir saat 11:30-da Azərbaycan İstiqlal Muzeyində baş tutacaq. Tədbir Azərbaycan Mədəniyyət Nazirliyi, Türkiyə Mədəniyyət və Turizm Nazirliyi, Türkiyənin Azərbaycandakı Səfirliyi və Çanaqqala Döyüşləri Gelibolu Tarixi Ərazi İdarəsinin dəstəyi ilə reallaşır.

21 Oktyabr 2025 14:40

BAKI, AzerVoice, Nailə Babazadə

AzerVoice xəbər verir ki,tədbir Azərbaycan Mədəniyyət Nazirliyi, Türkiyə Mədəniyyət və Turizm Nazirliyi, Türkiyənin Azərbaycandakı Səfirliyi və Çanaqqala Döyüşləri Gelibolu Tarixi Ərazi İdarəsinin dəstəyi ilə reallaşır.

Proqram çərçivəsində iştirakçılar Çanaqqala Döyüşləri Mobil Muzeyini də ziyarət edəcəklər. Sərgi və mobil muzey 25 oktyabr 2025-ci il tarixinədək ziyarətçilərin ixtiyarında olacaq.

Panel bölməsində Türkiyədən Çanaqqala Döyüşləri Gelibolu Tarixi Ərazi İdarəsinin Ərazi Planlama Qrupunun sədri Yusuf Kartal, Azərbaycandan isə Azərbaycan Dövlət İdarəçilik Akademiyasının Tarix kafedrasının müdiri, dosent Firdovsiyyə Əhmədova məruzələrlə çıxış edəcəklər.