BAKI, AzerVoice,Orxan Qədirzadə
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyəti sədrinin müavini Hasil Abbasovun başçılıq etdiyi nümayəndə heyəti Litva Respublikasının Vilnüs şəhərində rəsmi səfərdə olub.
AzerVoice xəbər verir ki, səfərin əsas məqsədi aktiv məşğulluq tədbirləri istiqamətində Litva Respublikasının Dövlət Məşğulluq Xidməti ilə əməkdaşlığın gücləndirilməsidir.
Səfər çərçivəsində nümayəndə heyəti Litva Respublikasının Dövlət Məşğulluq Xidmətinin nümayəndələri və Litva Ticarət, Sənaye və Sənətkarlıq Palataları Assosiasiyasının prezidenti ilə görüşlər keçirib.
Görüşlərdə qurumların fəaliyyət istiqamətləri, həyata keçirilən layihələr və beynəlxalq əməkdaşlıqlar barədə məlumat verilib, eləcə də karyera məsləhət xidmətinin təşkili və özünüməşğulluq sahəsində təcrübələr bölüşülüb.
Həmçinin, Litva Respublikasının Dövlət Məşğulluq Xidməti ilə əlaqələrin gücləndirilməsi və əməkdaşlıq sənədinin imzalanması istiqamətində danışıqlar aparılıb və müvafiq razılıq əldə edilib.
