Xocavəndin Sos kəndinə növbəti köç karvanı yola salınıb

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir. Növbəti mərhələdə Xocavənd rayonunun Sos kəndinə 21 ailə, ümumilikdə 94 nəfər köçürülür. Doğma yurda qayıdan ailələr indiyədək respublikanın müxtəlif bölgələrində müvəqqəti məskunlaşmışdılar. Sakinlər göstərilən dövlət qayğısına görə ölkə rəhbərliyinə və Azərbaycan Ordusuna minnətdarlıqlarını bildiriblər. Onlar həmçinin torpaqlarımızın azadlığı uğrunda canından keçən şəhidlərin xatirəsini ehtiramla yad ediblər.

16 Dekabr 2025 09:33

BAKI, AzerVoice

Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir.

AzerVoice-un xəbərinə görə, Qayıdış proqramının davamı olaraq Xocavəndin Sos kəndinə növbəti köç karvanı yola salınıb.

Bu mərhələdə Sos kəndinə 21 ailə olmaqla 94 nəfər köçürülür.

Prezident İlham Əliyevin tapşırığına uyğun olaraq, işğaldan azad edilmiş ərazilərə köç edən ailələr bu günə kimi respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.

Doğma yurda qayıdan sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər.

Onlar, həmçinin torpaqlarımızı işğaldan azad edən rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət diləyiblər.