BAKI,VOA
Hazırda təmas relsinə yüksək gərginliyin verilməsində yaranmış nasazlığın aradan qaldırılması istiqamətində operativ tədbirlər görülür.
VOA xəbər verir ki, yaxın bir saat ərzində metropolitenin fəaliyyəti bərpa ediləcək.
Qeyd edək ki, Bakı metropoliteninin bütün stansiyalarında sərnişinlərin girişinə müvəqqəti məhdudiyyət tətbiq olunub. İlkin məlumata əsasən, saat 12:10 radələrində “Ulduz–Nərimanov” mənzilində təmas relsinə yüksək gərginliyin verilməsində nasazlıq yaranıb.
Təhlükəsizlik məqsədilə Ulduz metro stansiyası və Nərimanov metro stansiyası ərazilərində sərnişinlərin təxliyəsinə başlanılıb. Hadisə səbəbindən qatarların “Nərimanov–Əhmədli” istiqamətində hərəkəti də məhdudlaşdırılıb.
Hazırda müvafiq qurumlar tərəfindən problemin aradan qaldırılması və elektrik təchizatının bərpası istiqamətində işlər davam etdirilir.
