İran çirklənməyə qarşı yeni yanacaq istehsal edir
İranda hava çirkliliyinin qarşısının alınması məqsədilə Tehran Neft Emalı Zavodunda Euro-5 standartlarına uyğun benzin istehsalına başlanacağı bildirilib. İran hökumətinin sözçüsü Fatma Mühacirani paytaxt Tehranda keçirdiyi mətbuat konfransında gündəmdəki məsələləri dəyərləndirib. O, hava çirkliliyi ilə mübarizə üçün ciddi qərarların qəbul edildiyini açıqlayıb. Mühacirani gələn ildən etibarən Tehran Neft Emalı Zavodunda Euro-5 benzin istehsalına başlanacağını və bunun şəhərdəki hava çirkliliyinin azalmasına müsbət təsir göstərəcəyini bildirib.
