Türkiyə Diyanət Vəqfi Qəzzada müharibədən əziyyət çəkən əhaliyə 35 milyon dollara yaxın humanitar yardım çatdırıb
TDV 2023-cü ilin oktyabr ayından etibarən İsrailin hücumları nəticəsində dağıntılar və humanitar böhranla üzləşən Qəzzaya yardım fəaliyyətlərini davam etdirir. Vəqf humanitar yardımı üç fərqli kanal vasitəsilə həyata keçirir, yerli vətəndaş cəmiyyəti təşkilatları ilə əməkdaşlıq edərək Qəzzanın şimal və cənub bölgələrində ehtiyacı olanlara çatdırır. Misirdən alınan yardım isə yük maşınları vasitəsilə Rafah Sərhəd keçid məntəqəsindən göndərilir, AFAD koordinasiyasında isə Mersindən El Ariş limanına gəmilərlə daşınır.
