Odda yanmaz,suda batmaz Donal Tramp
ABŞ Prezidenti Donald Tramp şənbə günü axşam Ağ Ev müxbirlərinin şam yeməyi zamanı, özünün də əsas kürsüdə olduğu vaxt baş verən atışma hadisəsini pisləyib. Lakin o, sadəcə pisləməklə kifayətlənməyib, bu hadisəni Ağ Ev daxilində təhlükəsizlik tədbirlərinin gücləndirilməsi, o cümlədən altında möhkəmləndirilmiş sığınacaq olan yeni mərasim zalı layihəsinə bəraət qazandırmaq üçün siyasi və təhlükəsizlik arqumentinə çevirib. Qeyd edək ki, ABŞ prezident iqamətgahının identikliyinə təsir edən bu layihə son aylarda kəskin tənqid olunur.
İsveçdə Təhlükəsizlik Böhranı - NATO Sənədləri Hava Limanında Unudulub
2022-ci ilin noyabrında Ulf Kristerssonun Türkiyəyə səfərindən sonra Arlanda Hava Limanında unudulan qovluğun NATO-ya üzvlük prosesi ilə bağlı məhdud tərkibdə keçirilən görüşlərə aid olduğu ehtimal edilir. İsveç mətbuatından olan “Dagens Nyheter” qəzetinə görə, qovluqda xarici əlaqələr sirri sayıla biləcək söhbət qeydləri və diplomatik sənədlər var, lakin həssas kəşfiyyat məlumatları yoxdur. Baş nazirliyin açıqlamasına əsasən, sənədlər bir işçi tərəfindən təsadüfən unudulub və hadisə təhlükəsizlik pozuntusu kimi qiymətləndirilmir. Buna baxmayaraq, hadisə İsveçdə təhlükəsizlik prosedurlarının effektivliyi ilə bağlı ciddi suallar doğurub.
