ABŞ Hörmüz boğazındakı Lərək adasına raket zərbəsi endirib - İran
İranın dövlət mediası ABŞ-nin Lərək adasına raket zərbəsi endirdiyini iddia edib. Təsnim xəbər agentliyinin məlumatına görə, hadisə yerli vaxtla saat 14:48-də baş verib. Adada güclü partlayış səslərinin eşidildiyi bildirilib. İranın aidiyyəti qurumları hadisə ilə bağlı araşdırmalara başlayıblar. Hazırda raketin düşdüyü yer və mümkün ziyanın miqyası müəyyənləşdirilir. ABŞ tərəfi iddialarla bağlı hələlik rəsmi açıqlama verməyib. Məlumat müstəqil mənbələr tərəfindən təsdiqlənməyib. Hadisə Hörmüz boğazında gərginliyin daha da artacağı ilə bağlı narahatlıqları gücləndirib.
Hizbullah Cənubi Livanda İsrail hərbi qüvvələrinə hücumlar həyata keçirib
Hizbullah Cənubi Livanda İsrail hərbi qüvvələrinə hücum edib. Döyüşçülər İsrail dronunu hədəfə alıb və raket zərbələri endirib. Məcməl Zun qəsəbəsi yaxınlığında İsrail zirehli texnika karvanı pusquya salınıb. İqlim əl-Tuffah üzərində Hermes 450 dronu geri çəkilməyə məcbur olub. Balat qəsəbəsindəki yeni hərbi post raket hücumuna məruz qalıb. Şəmə qəsəbəsindən Məcməl Zuna hərəkət edən 12 zirehli texnika izlənib. Döyüşçülər iki Merkava tankını məhv edib və karvanı yenidən pusquya salıblar. İsrail geri çəkilərkən Tayr Harfa istiqamətində hərbi texnika partlayıcı vasitə ilə məhv edilib.
İran millisinin futbolçuları məktəb hücumunda həlak olanların xatirəsini yad ediblər
İran milli komandasının futbolçuları Meksikaya səfərləri zamanı üzərində “168” rəqəmi olan xüsusi nişanlar taxaraq məktəbə endirilən raket zərbəsində həyatını itirən insanların xatirəsini yad ediblər. Bu addım fevral ayında Minab şəhərində baş vermiş və çoxsaylı insan itkisinə səbəb olmuş hadisəyə diqqət çəkmək məqsədi daşıyıb. Məlumatlara görə, həlak olanların böyük hissəsi uşaqlar olub. Komandanın jesti sosial şəbəkələrdə və ictimaiyyət arasında geniş müzakirələrə səbəb olub. Hadisə ilə bağlı beynəlxalq qurumların reaksiyaları davam etdiyi bir vaxtda, hücumun bütün təfərrüatlarının araşdırıldığı bildirilir. Futbolçuların nümayiş etdirdiyi həmrəylik addımı isə faciə qurbanlarının unudulmaması mesajı kimi qiymətləndirilir.
Hizbullah İsrail tankını Bofor qalası yaxınlığında məhv etdiyini açıqlayıb
Hizbullah Bofor qalası ətrafında İsrailin Merkava tankını raketlə məhv etdiyini açıqlayıb. Qala, cənub Livan şəhəri Nabatiyə yaxınlığında yerləşir və İsrail qüvvələri tərəfindən üç gün əvvəl ələ keçirilib. Qala ətrafında bir neçə İsrail əsgəri döyüşlərdə həlak olub. Həmçinin qəsəbənin kənarında yeni yaradılmış İsrail logistik dəstək mərkəzi hədəfə alınıb.
İsrail HHQ Livana hücum edib
İsrail Hərbi Hava Qüvvələrinin qırıcıları bu gün səhər saatlarında Livanın cənubunda Hizbullaha məxsus hərbi obyektlərə azı səkkiz hava zərbəsi endirib. Bu barədə “Lebanon 24” xəbər portalı məlumat yayıb.
İsrail ordusu Husilərin lideri efirdə çıxış edərkən Sənaya hava zərbəsi endirib
İsrail Hərbi Hava Qüvvələri Yəmənin paytaxtı Sənaya hava zərbəsi endirib. Məlumata görə, hücum “Ənsar Allah” (husilər) təşkilatının liderinin çıxışının yayımlandığı vaxt həyata keçirilib.
İsrail HHQ Suriyanın cənubuna zərbə endirib
İsrail Hərbi Hava Qüvvələri Suriyanın cənubuna zərbə endirib. Hücum Colan təpələrinin atəşkəs xəttinin əvvəllər Suriyanın nəzarətində olan tərəfində yerləşən Taranja kəndindəki bir evi hədəf alıb. Nəticədə bir nəfər həlak olub.
İsrail ordusu Livan ərazisinə hava zərbələri endirib
İsrail ordusu Livanın cənubundakı Şəkif təpəsi bölgəsində Hizbullaha məxsus hərbi infrastruktur və yeraltı obyektləri hava zərbələri ilə hədəf alıb. Ordunun mətbuat xidmətinin yaydığı məlumata görə, hücumlar bölgədə müşahidə edilən hərbi fəaliyyətlərdən sonra həyata keçirilib. İsrail tərəfi bu obyektlərin mövcudluğunu İsrail–Livan razılaşmalarının pozulması kimi qiymətləndirib.
İsrail ordusu Suriya DİN-in qərargahına PUA hücumu edib
İsrail ordusuna məxsus pilotsuz uçuş aparatları (PUA) Suriyanın cənubunda yerləşən Kuneytra vilayətindəki Daxili İşlər Nazirliyinin qərargahına hava hücumu təşkil edib. Hücum nəticəsində yalnız maddi ziyan qeydə alınıb, insan tələfatı yoxdur.
İranın İsrailin cənubuna hücumu nəticəsində ölənlərin sayı artıb
Hücum nəticəsində dörd nəfər ölüb, 20-dən çox insan yaralanıb. Yaralananlardan ikisinin vəziyyətinin orta ağır olduğu bildirilib.
İranın İsrail ərazisinə 500-dən çox raket və mindən çox PUA buraxıb
İrandan İsrailə atılan raket zərbələri nəticəsində 25 nəfər ölüb, 1300-dən çox insan isə yaralanıb.
Tehranda Humanitar Böhran Təhlükəsi: İsrail Hava Hücumlarını Genişləndirir
Netanyahunun bu bəyanatları göstərir ki, İsrail üçün bu müharibənin məqsədi sadəcə İranı cəzalandırmaq və ya onu nüvə proqramı üzrə danışıqlara məcbur etmək deyil
