İsrailin yeni torpaq qərarları yüzlərlə fələstinli ailəyə təsir edə bilər
“Amnesty International” İsraili İordan çayının qərb sahilində ilhaq siyasətini genişləndirməkdə ittiham edib. Təşkilat İsrailin ilk dəfə Fələstin Administrasiyasının nəzarətində olan “A” bölgəsində mülki məqsədlərlə torpaqların müsadirəsinə qərar verdiyini bildirir. İyul ayında Cenin vilayətində ən azı 15 müsadirə qərarının imzalandığı qeyd olunur. Qərarlar ümumilikdə təxminən 200 dönüm ərazini əhatə edir. Təşkilata görə, məqsəd planlaşdırılan iki İsrail yaşayış məntəqəsini birləşdirməkdir. Müsadirə ediləcək torpaqların böyük hissəsinin şəxsi mülkiyyətdə olduğu bildirilir. Yüzlərlə fələstinli ailənin kənd təsərrüfatı sahələrinə çıxışının məhdudlaşa biləcəyi vurğulanır. “Amnesty International” dövlətləri bu pozuntulara töhfə verən əməkdaşlığı dayandırmağa çağırıb.
İranda bu il azı 56 nəfər edam edilib - BMT
BMT-nin İnsan Hüquqları üzrə Ali Komissarı Volker Türk bildirib ki, İranda ilin əvvəlindən milli təhlükəsizlik ittihamları ilə azı 56 nəfər edam olunub. Onun sözlərinə görə, edam edilənlərdən 27-si yanvar etirazları ilə əlaqələndirilib və hazırda 100-dən çox şəxs də edam təhlükəsi altındadır. Türk ölüm cəzasının qorxu yaratmaq və fərqli fikirləri boğmaq məqsədilə istifadə edildiyini bəyan edib. Amnesty International da ötən həftə İranda etirazlarla və siyasi motivli ittihamlarla bağlı ümumilikdə 52 nəfərin özbaşına edam edildiyini açıqlamışdı.
Amnesty-nin çağırışı İsrail-Livan münasibətlərinə necə təsir edəcək?
Amnesty International Livanın cənubunda İsrail tərəfindən həyata keçirildiyi bildirilən üç hava hücumu ilə bağlı müharibə cinayətləri üzrə araşdırma aparılmasını tələb edib. Təşkilatın məlumatına görə, mart ayında Tir, Sidon və Nəbatiyə rayonlarına endirilən zərbələr nəticəsində 12-si uşaq olmaqla 24 mülki şəxs həyatını itirib və ən azı 18 nəfər yaralanıb. Amnesty araşdırması zamanı İsrail qüvvələrinin beynəlxalq humanitar hüququ pozmuş ola biləcəyini göstərən faktlar əldə etdiyini bildirib. Təşkilat hücumlarda mülki və hərbi hədəflər arasında lazımi fərqin qoyulmadığını və mülki itkilərin qarşısının alınması üçün kifayət qədər tədbir görülmədiyini iddia edib. Amnesty nümayəndələri beynəlxalq ictimaiyyəti məsələ ilə bağlı tədbir görməyə və məsul şəxslərin araşdırılmasına çağırıblar. Təşkilat həmçinin İsrailə qarşı silah embarqosunun tətbiq olunmasını və hüquqi mexanizmlərdən istifadə edilməsini istəyib. Livan-İsrail arasında əldə olunan yeni razılaşmanın məsuliyyət məsələsini çətinləşdirə biləcəyi ilə bağlı da xəbərdarlıq edilib.
Qulam Hüseyn Möhsüni-Ejei — İranın "Təhlükəsizlik fəqihi" və güc mərkəzinə necə çevrildi
İran dövlət televiziyasının kameraları rejimin geniş şəkildə yaydığı bir mənzərəni qeydə alıb: Məhkəmə Hakimiyyətinin rəhbəri Qulam Hüseyn Möhsüni-Ejei, Tehranda Ramazan ayının son cümə günü keçirilən illik "Qüds günü" yürüşündə (bu il 13 mart 2026-cı ilə təsadüf edib) iştirak edirdi.
İdmanda hicab qadağası - Fransanın qərarına qarşı artan tənqidlər və hüquqi çağırışlar
İdman dünyasında hicab qadağası ilə bağlı mübahisələr yenidən gündəmə gəlib. Beynəlxalq insan haqları təşkilatları və idman fəalları Fransanın tətbiq etdiyi hicab yasağını qadınların idman sahələrindən kənarlaşdırılması kimi qiymətləndirərək, bu qərarın insan hüquqlarına və qadınların iştirak azadlığına zidd olduğunu bildiriblər.
Tramp deyir ki, Əfqanıstan Baqram bazasını ABŞ-a qaytarmasa, pis şeylər olacaq
Baqram bazası Əfqanıstanda yerləşən ən böyük hava bazası olub və 2001-ci ilin 11 sentyabr hücumlarından sonra ABŞ-ın Taliban əleyhinə apardığı müharibənin əsas dayaqlarından biri sayılıb.
ABŞ Çini uyğurların məcburi əməyinə görə sanksiyalarla təzyiq altına alır - Çin bu faktı inkar edir
Amnesty International və Human Rights Watch-un hesabatlarında qeyd olunur ki, uyğurlar sistematik şəkildə kənd təsərrüfatı və sənaye sahələrində — pambıq yığımından tutmuş litium hasilatına qədər — məcburi əməkdə işlədilir. Hüquq müdafiəçilərinə görə, işçilər ədalətli ödənişdən məhrum edilir, polis nəzarəti altında yaşayırlar.
Britaniyada 22 QHT höküməti İsrailə dəstək verən şirkətlərə qarşı tədbirlər görməyə çağırıb
Böyük Britaniyada 22 qeyri-hökumət təşkilatı (QHT) hökuməti Qəzzadakı mülki əhalinin soyqırımında iştirak edən şirkətlərə qarşı tədbir görməyə çağırıb. Bununla bağlı aralarında "Amnesty International" və Silah Ticarətinə Qarşı Kampaniyanın (CAAT) da olduğu 22 QHT Qəzzaya dair birgə bəyanat yayıb.
Kopenhagendə Fələstinə dəstək məqsədilə yürüş keçirilib
Kopenhagendə Fələstinə dəstək məqsədilə keçirilən nümayişdə 10 mindən çox insan iştirak edib. Etirazçılar Qəzzadakı müharibənin dayandırılmasını və Danimarkanın Fələstin dövlətini tanımasını tələb ediblər.
İsrail Qəzzadakı soyqırımı davam etmək üçün aclıqdan istifadə edir - Amnesty International
Amnesty International təşkilatı, Qəzzada humanitar yardımın paylanmasında İsrail və ABŞ tərəfindən dəstəklənən mübahisəli bir sistemi tənqid edərək, bunun fələstinlilərə qarşı aclıq tətbiq etmək və İsrailin HƏMAS-la apardığı müharibə zamanı Qəzzada soyqırım törətməyə davam etməsi məqsədini güddüyünü bildirib.
Xeyriyyə təşkilatları Qəzzadakı yardım paylama sisteminin ləğvi barədə çağırış ediblər
Bu gün 170-dən çox qeyri-hökumət təşkilatı ABŞ və İsrailin dəstəklədiyi Qəzzadakı ərzaq yardımı paylama sisteminin ləğv olunması çağırışı ilə çıxış edib.
İsrailin Qəzzadakı aclıq siyasəti müharibə cinayətidir - İsveç
İsveçin xarici işlər naziri Mariya Malmer Stenerqard İsrailin Qəzzaya humanitar yardımlara maneə yaratmasını və yardım məntəqələrini hədəfə almasını müharibə cinayəti kimi dəyərləndirib.
