Qəzzada dağıntılar altından 21 fələstinlinin qalıqları tapılıb
Qəzza zolağında İsrailin hücumları zamanı dağıdılmış iki evin dağıntıları altından 21 fələstinlinin qalıqları çıxarılıb. Qəzza mülki müdafiə dəstələri daha 40 nəfərin dağıntılar altında qaldığı ehtimal edilən üçüncü evdə axtarışlara başlayıb. Əsqələ ərazisi yaxınlığında Bətincı ailəsinə məxsus evin dağıntılarından 12 nəfərin qalıqları çıxarılıb. Qəzza şəhərinin qərbindəki Kətibə ərazisində isə Qərbiyyə ailəsinə məxsus evdən doqquz nəfərin qalıqları tapılıb. Daha sonra axtarış-xilasetmə qrupları Zeytun məhəlləsində yerləşən Məğribi ailəsinin evinə keçib. Burada 40 fələstinlinin dağıntılar altında qaldığı bildirilir. Mülki müdafiə dəstələri ağır texnika, avadanlıq və yanacaq çatışmazlığı səbəbindən xilasetmə işlərini böyük çətinliklərlə həyata keçirir.
Türkiyədə miqrantları daşıyan qayıq katerlə toqquşub - Ölənlər var
Türkiyənin Balıkesir vilayətinin Ayvalık rayonu sahillərində qeyri-qanuni miqrantları daşıyan qayığın Sahil Təhlükəsizlik xidmətinə məxsus katerlə toqquşması nəticəsində 5 nəfər həlak olub. Bu barədə Balıkesir Valiliyi açıqlama yayıb. Bildirilib ki, qeyri-qanuni miqrasiyaya qarşı mübarizə çərçivəsində Sahil Təhlükəsizlik Şimal Egey Qrup Komandanlığı tərəfindən keçirilən əməliyyat zamanı bir qaçaqmalçı və 34 miqrantı daşıyan yüksək sürətli fiber gövdəli qayıq sahil mühafizə katerinə çırpılıb.
Misirdə gəmi qəzası fövqəladə vəziyyət yaradıb
Süveyş körfəzində qazma gəmisinin batması nəticəsində 4 nəfər ölüb, 22 nəfər yaralanıb.
FHN AFAD əməkdaşlarını mükafatlandırıb
Azərbaycan Respublikası Fövqəladə Hallar Nazirliyi (FHN) axtarış-xilasetmə qruplarının BMT-nin Beynəlxalq Axtarış və Xilasetmə Məsləhətçi Qrupunun (İNSARAG) standartlarına uyğun akkreditasiyası prosesində göstərdiyi dəstəyə görə Türkiyənin AFAD qurumunun əməkdaşlarını əməkdaşlıq nişanı ilə təltif edib.
Hindistanda sərnişin təyyarəsində ölənlərin sayı 270-ə çatıb
Hindistanın Qucarat əyalətinin Əhmədabad şəhərində iyunun 12-də baş verən aviasiya qəzası nəticəsində həyatını itirənlərin sayı 270-ə yüksəlib.
