SpaceX Starship 10-cu uçuşunu uğurla icra edib
Dünyanın ən güclü kosmik raketi kimi tanınan Starship, Texas ştatındakı Starbase-dən yerli vaxtla 18:30-da buraxılıb. Səkkiz süni Starlink peykini daşıyan raketin birinci mərhələ gücləndiricisi Super Heavy, buraxılışdan sonra Meksika körfəzinə planlaşdırıldığı kimi enib. Starship, səkkiz süni peyki orbitə yerləşdirmək və Raptor mühərrikini kosmosda yenidən işə salmaq missiyalarını uğurla icra edib. Raket buraxılışdan təxminən bir saat sonra Hind okeanına enib.
SpaceX-in Starship raketinin 10-cu sınaq uçuşu baş tutmayıb
Texas ştatındakı Starbase bazasından həyata keçirilməsi planlaşdırılan buraxılış havaya qalxmadan yarım saat əvvəl dayandırılıb. Şirkət qərarın yer sistemlərində aşkarlanan texniki problemə görə qəbul edildiyini açıqlayıb. Yanacaq yüklənməsi zamanı yaranan nasazlıq geri sayımın dayandırılmasına səbəb olub. “Bugünkü uçuş ləğv edildi. Yer sistemlərindəki nasazlıqların aradan qaldırılması üçün əlavə vaxta ehtiyac var.” - deyə SpaceX-in bəyanatında bildirilib. Xatırladaq ki, Starship proqramı son aylarda ardıcıl uğursuz sınaqlarla gündəmdədir. İyun ayında sınaq stendində partlayış qeydə alınmış, mayda isə 9-cu uçuş zamanı orbitə çatmasına baxmayaraq raket daşıdığı 8 Starlink peykini yerləşdirə bilməmişdi. Həmin vaxt yanacaq sızması səbəbindən yüksəklik problemi yaranmış və uçuşdan 30 dəqiqə sonra raketlə əlaqə kəsilmişdi. Səkkizinci sınaq uçuşu isə mühərrik nasazlığına görə starta bir dəqiqə qalmış dayandırılmışdı.
Starship-in növbəti sınaqları təxirə salına bilər
SpaceX-in Texasdakı Starbase sınaq sahəsində “Starship” proqramının yeni mərhələsi yenidən daha bir uğursuzluqla nəticələnib.
SpaceX raketi sınaq zamanı partlayıb
Elon Maskın rəhbərlik etdiyi SpaceX şirkətinin ABŞ-ın Teksas ştatında həyata keçirdiyi raket sınağı qəza ilə nəticələnib.
