İsrail silahlı qruplarla əlaqəsi aşkarlanmayan beş Livan vətəndaşını azad edib
İsrail Livanın cənubunda saxlanılmış beş Livan vətəndaşını azad edib. Bu barədə Baş nazir Benyamin Netanyahunun ofisi məlumat yayıb. İsrail tərəfi həmin şəxslərin silahlı qruplaşmalarla əlaqəsinin olmadığını müəyyən etdiyini bildirib. Bundan sonra onların sərbəst buraxılması barədə qərar qəbul olunub. Qərar İsrail ilə Livan arasında danışıqların davam etdiyi bir vaxtda verilib. Danışıqlarda 1980-ci illərdə Livanda öldürülmüş yəhudi icması rəhbərlərinin qalıqlarının qaytarılması məsələsi müzakirə olunur. İsrail həmin qalıqların geri alınmasına çalışır. Beş livanlının azad edilməsi də bu danışıqların davam etdiyi dövrə təsadüf edib.
İranın sui-qəsd planları ilə bağlı təhdidlərlə üz-üzəyik - Britaniya polisi
Britaniya paytaxtı Londonun Polis komissarı (Metropoliten Polisi) rəsmi bəyanatla çıxış edərək, ölkənin İran tərəfindən idarə olunan uzunmüddətli və davamlı təhdidlərlə qarşı-qarşıya olduğunu bildirib. Polis rəhbərinin sözlərinə görə, Britaniya kəşfiyyatı və hüquq-mühafizə orqanları İranın planlaşdırdığı müxtəlif sui-qəsd cəhdlərini və təxribat xarakterli əməliyyatlarını yaxından izləyir.
Avstraliyada sinaqoqun qapısına od vurulub
Avstraliyanın Melburn şəhərində yerləşən yəhudi sinaqoquna hücum olub, belə ki, sinaqoqun qapısı yandırılıb.
