Almaniyada 2029-cu ilə qədər davam edəcək daşqın əleyhinə infrastruktur planı
Elba çayı hövzəsində yerləşən Döbeln şəhəri iqlim dəyişikliyi nəticəsində artan daşqın təhlükəsinə qarşı Avropa İttifaqının maliyyə dəstəyi ilə həyata keçirilən layihələrlə qorunur. 2002-ci ildə şəhər son yüzilliyin ən ağır daşqınlarından birini yaşamış, nəticədə 21 nəfər həlak olmuş, 600 bina dağılmış, 300-dən çox biznes sıradan çıxmış və ümumi itkilər 150 milyon avro təşkil etmişdi. 2013-cü ildə də bölgə oxşar fəlakətlə üzləşmişdi.
Pakistanın Pəncab əyalətində daşqınlar səbəbindən 122 min insan təxliyə edilib
Pakistanın Pəncab əyalətinin şərqində güclü yağışlar nəticəsində baş verən daşqınlar son 24 saat ərzində 122 mindən çox insanın təxliyəsinə səbəb olub. Pəncab Təbii Fəlakətlərin İdarə Olunması İdarəsinin (PDMA) baş direktoru İrfan Əli Katia, əyalətin Cəlalpur Pirvala şəhərində aparılan təxliyə işləri ilə bağlı açıqlama verib. O bildirib ki, Cəlalpur Pirvala şəhərində son 24 saat ərzində 122 mindən artıq insan evlərini tərk etmək məcburiyyətində qalıb. Çoxları ya qohumlarının yanına sığınıb, ya da yardım düşərgələrində yerləşdirilib.
Pakistanda daşqın fəlakəti - Pəncabda 33 nəfər həyatını itirib
“Dawn” qəzetinin Pəncab Fəlakət İdarəsinə (PDMA) istinadən verdiyi məlumata görə, son bir həftədə Pəncab əyalətində leysan yağışların səbəb olduğu daşqınlar 33 nəfərin ölümünə və 8 nəfərin yaralanmasına səbəb olub. Daşqınlar təxminən 2 milyon insana təsir edib, bu səbəbdən 506 yardım düşərgəsi qurulub və xilasetmə qrupları 760 min insanı və 516 min heyvanı təhlükəsiz ərazilərə təxliyə edib. Pakistan Milli Fəlakət İdarəsi (NDMA) isə sentyabrın 1-dən 3-dək İslamabad və Pəncabın müxtəlif bölgələrində güclü yağışların gözlənildiyini və daşqın riskinin artacağını xəbərdar edi
Yəməndə güclü yağışlar və daşqınlar insan tələfatına səbəb olub
Yəmənin şimal-şərqindəki Marib vilayətində leysan yağışları, daşqınlar və güclü küləklər nəticəsində üç qaçqın həlak olub, təxminən üç min ailə zərər çəkib. Bu barədə vilayətdəki qaçqın düşərgələrinin idarə olunmasına cavabdeh hökumət qurumu ilkin hesabat yayıb. Hesabata görə, avqust ayında baş verən güclü yağışlar və daşqınlar nəticəsində üç nəfər ölüb, iki nəfər yaralanıb. Ümumilikdə 2 944 ailə zərər görüb. Onlardan 464 ailənin evləri və sığınacaqları tamamilə, 2 480 ailəninki isə qismən dağılıb.
Hindistanda musson yağışlar ölümlərə səbəb olub
Cammu və Kəşmir ilə Himaçal-Pradeş ştatlarında leysan yağışlar daşqınlara və torpaq sürüşmələrinə səbəb olub. Səlahiyyətlilər magistral yolların çökdüyünü və 30 nəfərin öldüyünü bildirib. Rəsmilər yağışların davam edəcəyini vurğulayaraq, sakinləri riskli ərazilərdən uzaq durmağa çağırıb. X platformasında yayılan məlumatlar, xüsusilə Cammu və Kəşmirdəki Vaishno Devi ziyarətgahı yaxınlığında torpaq sürüşməsi nəticəsində 30 nəfərin həlak olduğunu təsdiqləyir.
Vyetnamda Kajiki tayfunu nəticəsi - ölənlər və yaralananlar çoxalır
Vietnam News-un məlumatına görə, tayfunun yaratdığı leysan yağışlar və daşqınlar ölkədə ciddi fəsadlara səbəb olub. Təxminən 1,6 milyon insan elektrik enerjisindən məhrum olub, 15 ev tamamilə dağılıb. Vyetnamın Baş naziri Pham Minh Chinh yerli hakimiyyətlərə axtarış-xilasetmə əməliyyatlarını sürətləndirməyi tapşırıb. Tayfun səbəbindən Çinin Hainan adasında da avqustun 23-də 4-cü dərəcəli fövqəladə vəziyyət elan edilib.
İspaniya təbii fəlakət bölgəsinə çevrilir
Nazirlər Şurasının qərarına əsasən, iyunun 23-dən bəri daşqınlardan, avqustun əvvəlindən isə davam edən meşə yanğınlarından zərər çəkən ərazilər rəsmi olaraq fəlakət bölgəsi kimi tanınıb. Təhsil və idman naziri, hökumət sözçüsü Pilar Alegria bildirib ki, ölkənin 17 muxtar icmasından 16-sı bu qərara daxil edilib. İspaniyada indiyədək 407 min hektardan çox ərazi yanğında məhv olub. Daxili İşlər Naziri Fernando Qrande Marlaska meşə yanğınlarını ölkə tarixində ən böyük yanğın fəlakəti adlandıraraq, fəlakət zonası elan olunmuş ərazilərdə yaşayanların qanunvericiliyə uyğun olaraq dövlət yardımı ala biləcəklərini açıqlayıb. Nazir hazırda 15 yerdə iri miqyaslı yanğınların davam etdiyini, fövqəladə vəziyyətin isə hələ də qüvvədə olduğunu bildirib və əhalini ehtiyat tədbirlərinə əməl etməyə çağırıb.
Pakistanda musson yağışlarının yaratdığı fəlakətlərdə ölənlərin sayı 700-ə çatır
Pakistan Milli Fəlakət İdarəetmə Təşkilatı (NDMA) tərəfindən verilən açıqlamada, yağışların səbəb olduğu fəlakətlərin təsirlərinin ölkə üzrə davam etdiyi bildirilib. Açıqlamada, ölkə üzrə baş verən fəlakətlərdə həyatını itirənlərin sayının 657-yə yüksəldiyi, ölənlərin 171-nin uşaq olduğu ifadə edilib. İtkin düşən 929 nəfəri tapmaq üçün axtarış-xilasetmə işlərinin davam etdiyi qeyd edilən açıqlamada, fəlakətlərdən ən çox təsirlənən əyalətin Hayber Paxtunxva olduğu və burada 150-dən çox şəxsin hələ də itkin düşdüyü qeyd olunub. Açıqlamada Hayber Paxtunxvada 390, Pəncabda 164, Gilgit-Baltistanda 32, Sinddə 28, Bəlucistanda 20, Azad Kəşmirdə 15 və İslamabadda 8 nəfərin həyatını itirdiyi məlumatı paylaşılıb.
Çinin şimalında daşqın: Ölənlər və itkin düşənlər var
Çinin şimalında yerləşən Daxili Monqolustan muxtar bölgəsində baş verən güclü daşqın nəticəsində azı səkkiz nəfər həyatını itirib, dörd nəfər isə itkin düşüb. Bu barədə Çinin “Sinxua” agentliyi məlumat yayıb.
Pakistanın şimalında daşqın qurbanlarının sayı 330-a çatıb
Geo News-un məlumatına görə, axtarış-xilasetmə qrupları bir gecədə Hayber Paxtunxva əyalətində sürüşmə və daşqın nəticəsində dağılan evlərin altından çoxlu cəsəd çıxarıb. Ən çox itki Hayber Paxtunxvada qeydə alınıb – 307 nəfər, Gilgit Baltistanda 12, Azad Kəşmirdə isə 11 nəfərin həyatını itirdiyi bildirilib. Rəsmilər həmçinin 32 nəfərin itkin düşdüyünü açıqlayıb. Məlumata görə, Pakistanın şimal bölgələrində güclü yağışların avqustun 21-dək davam edəcəyi gözlənilir. Baş nazir Şahbaz Şərif Hayber Paxtunxvaya dərman, ərzaq və digər zəruri yardımların dərhal çatdırılması barədə göstəriş verib.
Hindistanda daşqın təhlükəsi böyüyür
Hindustan Times-ın məlumatına görə, “bulud partlayışı” nəticəsində baş verən leysan yağışlar Kiştvar rayonunu sular altında qoyub. Yerli hakimiyyət orqanları axtarış-xilasetmə əməliyyatlarının davam etdiyini, ölənlərin sayının artmasından narahat olduqlarını bildiriblər. Hadisə bölgədə ciddi dağıntılara səbəb olub, yolların və körpülərin bir hissəsi sıradan çıxıb. Təhlükəsizlik qüvvələri, xilasetmə dəstələri və yerli sakinlər itkin düşənləri tapmaq üçün işlərini davam etdirir.
Alyaskada Tramp-Putin görüşü öncəsi təxliyə xəbərdarlığı
ABŞ prezidenti Donald Tramp və Rusiya prezidenti Vladimir Putinin görüşünün planlaşdırıldığı Alyaskada buzlaq bəndinin aşması nəticəsində yaranan daşqın təhlükəsi səbəbindən sakinlərin təxliyəsinə çağırış edilib. ABŞ Milli Okean və Atmosfer Administrasiyası (NOAA) Alyaskanı paytaxtı Juneau şəhərində yerləşən Mendenhall buzlaqının bəndinin daşıb güclü daşqın riski yaratdığını açıqlayıb. Juneau Empire portalının məlumatına görə, yerli hakimiyyət orqanları şəhər sakinlərinə ərazini tərk etməyi tövsiyə edib.
