BAKI, AzerVoice , Nərmin Ağayeva
Pakistanın şimalında güclü yağışların yaratdığı daşqınlar nəticəsində ölənlərin sayı 330 nəfərə çatıb.
AzerVoice xəbər verir ki, Geo News-un məlumatına görə, axtarış-xilasetmə qrupları bir gecədə Hayber Paxtunxva əyalətində sürüşmə və daşqın nəticəsində dağılan evlərin altından çoxlu cəsəd çıxarıb. Ən çox itki Hayber Paxtunxvada qeydə alınıb – 307 nəfər, Gilgit Baltistanda 12, Azad Kəşmirdə isə 11 nəfərin həyatını itirdiyi bildirilib. Rəsmilər həmçinin 32 nəfərin itkin düşdüyünü açıqlayıb.
Məlumata görə, Pakistanın şimal bölgələrində güclü yağışların avqustun 21-dək davam edəcəyi gözlənilir. Baş nazir Şahbaz Şərif Hayber Paxtunxvaya dərman, ərzaq və digər zəruri yardımların dərhal çatdırılması barədə göstəriş verib.
Qeyd edək ki, son günlər Pakistanın müxtəlif bölgələrində təsirli olan musson yağışları nəticəsində bir çox evlər dağılıb, infrastruktur ciddi ziyan görüb.
