Ərdoğan Malazgirt zəfərinin 954-cü ildönümündə çıxış edib
Türkiyə Prezidenti Rəcəb Tayyib Ərdoğan Malazgirt Milli Parkında keçirilən Malazgirt zəfərinin 954-cü ildönümü mərasimində çıxış edib. Ərdoğan çıxışında Türkiyənin 81 vilayətindəki bütün vətəndaşlara salam göndərib, İsrailin hücumları altında qalan Qəzza və Fələstinə həmrəylik mesajı çatdırıb.
Malazgirt döyüşü haqqında nə bilirik?
Böyük Səlcuq dövlətinin qurulmasına zəmin yaradan Dəndənəkan döyüşündən (431/1040) sonra Mərv şəhərində toplanan böyük qurultayda “cihan hakimiyyəti” ideyası əsasında müəyyən edilən fəth planları çərçivəsində Səlcuqlar xüsusilə qərb istiqamətində geniş yürüşlərə başladılar. Anadolunu türk yurdu etmək uğrunda aparılan bu mübarizələrdə Səlcuq qüvvələri Sivasadək irəliləmiş, burada yerləşən Bizans qalaları və istehkamlarını geniş şəkildə dağıtmışdılar.
