Si Cinpin Qırğızıstana səfər edəcək
Çin Xalq Respublikasının rəhbəri Si Cinpin Şanxay Əməkdaşlıq Təşkilatının (ŞƏT) zirvə toplantısında iştirak etmək məqsədilə 31 avqust – 1 sentyabr tarixlərində Qırğızıstana rəsmi səfər edəcək.
Azərbaycan və Qırğızıstan müxtəlif sahələrdə əməkdaşlığın genişləndirilməsini vurğulayıblar
Azərbaycan xarici işlər naziri Ceyhun Bayramov Antalya Diplomatiya Forumu çərçivəsində Qırğızıstan xarici işlər naziri Jeenbek Kulubayev ilə görüşüb. Nazirlər ortaq tarixi, mədəni və qardaşlıq əlaqələrinə əsaslanan strateji tərəfdaşlığın davamlı şəkildə genişləndiyini təsdiqləyiblər. Nazirlər vurğulayıblar ki, bütün səviyyələrdə aktiv siyasi dialoq ticarət, iqtisadiyyat, nəqliyyat, təhsil, mədəniyyət və humanitar yardım sahələrində əməkdaşlığın genişləndirilməsində əsas amil olaraq qalır.
Səudiyyənin Xarici İşlər naziri Misir və Qırğızıstan rəsmiləri ilə regional sabitliyi müzakirə edib
Səudiyyə Ərəbistanının Xarici İşlər naziri şahzadə Feysəl bin Fərhan bazar ertəsi günü misirli və qırğızıstanlı həmkarları ilə regional prosesləri müzakirə edib. Səudiyyə Press Agentliyinin (SPA) məlumatına görə, nazir Bədr Abdelatti ilə telefon danışığı zamanı regional və beynəlxalq təhlükəsizliyin, habelə sabitliyin gücləndirilməsi yollarını nəzərdən keçirib.
Qırğızıstan və Özbəkistan əməkdaşlığı genişləndirir
Bu gün Qırğızıstan Respublikasının xarici işlər naziri Jeenbek Kulubayev ilə Özbəkistan Respublikasının xarici işlər naziri Bəxtiyor Saidov arasında telefon danışığı baş tutub. Danışıq zamanı tərəflər Qırğızıstan–Özbəkistan əməkdaşlığının aktual məsələlərini müzakirə edərək, beynəlxalq nəqliyyat dəhlizlərinin daha da inkişaf etdirilməsinə, eləcə də Qırğızıstan–Özbəkistan dövlət sərhədində yerləşən gömrük-keçid məntəqələrinin buraxılış qabiliyyətinin optimallaşdırılmasına yönəlmiş tədbirlərə xüsusi diqqət ayırıblar.
KTMT sammiti Qırğızıstanda keçiriləcək
Kollektiv Təhlükəsizlik Müqaviləsi Təşkilatına (KTMT) üzv ölkələrin sammiti bu ilin payızında Qırğızıstanda keçiriləcək.
