Qəzzada silahlı qrup sakinləri silah hədəsi ilə evlərindən çıxarıb

Qəzza şəhərində silahlı bir qrupun yaşayış məntəqəsində sakinləri silah hədəsi ilə evlərini tərk etməyə məcbur etməsi bölgədə yeni və presedentsiz hadisə kimi qiymətləndirilir. Yerli mənbələrin məlumatına görə, Qəzza şəhərində fəaliyyət göstərən və “Rami Halas Qrupu” kimi tanınan silahlı dəstə cümə axşamı səhər saatlarında şəhərin şərqində yerləşən Tuffah məhəlləsində havaya atəş açıb. Hadisə İsrailin “sarı xətt” adlandırdığı və HƏMAS-ın nəzarətində olan ərazilərlə İsrail mövqelərini ayıran zona yaxınlığında baş verib.