ABŞ-da miqrasiya xidməti ilə bağlı reportajlara görə jurnalistlərin saxlanıldığı iddia edilib

ABŞ-da Miqrasiya və Gömrük Mühafizəsi Xidməti (ICE) əleyhinə etiraz aksiyalarını işıqlandıran jurnalistlərin saxlanılması ölkədə mətbuat azadlığı ilə bağlı narahatlıqları artırıb. Yanvarın 30-da Jurnalistlərin Müdafiəsi Komitəsi sabiq CNN aparıcısı Don Limon və müstəqil jurnalist Corciya Fortun Minnesota ştatında saxlanıldığını açıqlayıb. Onlara ICE əleyhinə etiraz aksiyaları ilə bağlı reportajlara görə ağır cinayətlər maddəsi ilə ittiham irəli sürüldüyü bildirilib. Təşkilat baş verənləri ABŞ-da mətbuata qarşı təzyiqlərin ciddi şəkildə artmasının göstəricisi kimi dəyərləndirib və jurnalistlərin cinayət təqibinin peşə fəaliyyəti ilə birbaşa əlaqəli olduğunu vurğulayıb.